«Жув вуж кас ятIа къалурда»
Спорт  |  2(273) 2014      
    Дуьньядин ва Европадин чемпион тир машгьур лезги боксер Альберт Селимовахъ гила Азербайжандин хкягъай командада къугъвадай ният ава. И месэладихъ авсиятда ада журналистриз ихьтин баян ганва: «За муьжуьд йисуз Россиядин хкягъай командада алакьдайвал и уьлкведин тIвар виниз хкажна. Ина зун дуьньядин ва Европадин чемпион хьана. Гьар гъилера турнирра Россиядин пайдах хкаж хьана, гимн ван атайла за гзаф дамахна. Ингье гьакI ятIани Россиядин командадин кьиле авайбуру зал гьалтайла гьахъсузвилиз рехъ гана. Baku Fires командадихъ галаз икьрар кутIунна лугьуз, абуру зун мажибдикай магьрумарна. Гьатта захъ галаз марагълуни хьанач. Аквар гьаларай, завай цIийи агалкьунрив агакьиз жеч лагьана. Амма абур ягъалмиш жезва. За инлай кьулухъни жув вуж кас ятIа къалурда».
    «Россиядин командадин регьберри вун ахъай тавуртIа вучда?” - лагьай суалдиз А.Селимова ихьтин жаваб гана: «Абуруз ихтияр авач, вучиз лагьайтIа Виридуьньядин Боксдин Ассоциаци-дин къанунрив кьадайвал, пуд йис алатайдалай кьулухъ гьар са спортсмендивай вичин ватандашвал дегишариз жеда. КIевера гьатай чIавуз Азербайжандин командади заз мукьувай куьмек гана. Гила зазни буржлу яз амукьиз кIанзавач. И уьлкведин тIвар виниз хкажун патал за жуван алахъунар генани артухарда.
     Исятда Альберт Селимов Рио-де-Жанейро шегьерда тухвана кIанзавай олимпиададиз лицензия къачун патал алахъзава. Адахъ гьакIни 2015-йисуз Бакуда тухудай Европадин къугъунра иштирак ийидай ният ава.
 
www.samurpress.net

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Хожалыдин сед Yeni kitabların təqdimatı Ктаб кхьена «Говори со мной по-лезгински!» Цавариз хкажайтIа чIал
Статьи из этой рубрики
“ Пирал” тIвар кутугна! Фарида стала чемпионкой Европы На подступах к победе Чемпион мира Крепись, Фарида!
ЦIИЙИ ТИЛИТ
№: 11(316)
декабрь, 2017

Скачать PDF

РУБРИКИ

ПОЛЕЗНОЕ