Цавариз хкажайтIа чIал
Поэзия  |  2(273) 2014      

Лезги Бегьлул

Лезги яз амукьа

Гайи гафар кьадайвал хьуй крарив,
Алцум мийир акьул рехи чIарарив,
Вич гьахъ тирди зарид чирда цIарарив, 
Гьар межлисда чка чирна ацукьа,
Лезги ятIа, лезги язни амукьа!
 
Жуван абур, жуван къилих квадармир,
ЧIал чIатунихъ маса гана гадармир,
Гьахъни-нагьахъ барабарна садармир,
Кьегьалвилив бармак кьилел алукIа,
Лезги ятIа, лезги язни амукьа!
 
Са уьмуьр я чахъ гьарадахъ авайди,
Хъфизвайд я и дуьньядиз атайди,
Сад авани кьулухъ элкъвей, хтайди,
Кьегьалрилай чешне къачуз алакьа,
Лезги ятIа, лезги язни амукьа!
 
Чахъ кьегьалар авайди тир, амайд я,
Чун дуьньядиз дерт авачиз атайд я,
Заманад чун гьахъни-нагьахъ гатайд я,
Уьтквем тушир вижесузбур кьулухъа,
Лезги ятIа, лезги язни амукьа!
 

Инсан жеда вун

Дердини дерт  гъида, шадвили шадвал,
Авайвал кхьейтIа, лукьман жеда вун.
Эвелдай виридаз атайтIани хуш,
Эхирдай дустариз душман жеда вун.
 
Тек садан къуьнерал эцигайтIа пар,
Дуьз жедач, туькIуьдач са чIавузни кар,
И чIехи дуьньяни хьана рикIиз дар,
Атана хъфидай мугьман жеда вун.
Элдихъ шехьай вилер буьркьуь жед лугьуз,
Авур хъсанвилер вилик къвед лугьуз,
Чарада кIвалахиз, жува нед лугьуз,
Архайин хьайитIа, пашман жеда вун.
 
ТIаратI хьиз цавариз хкажайтIа чIал,
Амукьдач рикIера хажалатдин хал,
Ватандихъ ялайтIа вуна, эй кьегьал,
Гьар меле, межлисда уфтан жеда вун.
 
Кьисметдин пай я ви гъилевай къелем,
ТIуьр фаз на тIуш гумир, саламдиз селем,
Дуьньядин крариз къимет це бегьем,
Дуьз къимет гайитIа, инсан жеда вун!
 

Чка кьунва

Садрани дуьз атайди туш
КIанивилиз жериди.
Лезгид гъиле акурди туш
Гапур хьана къуьруьди.
 
ТIям амукьдач даим гъиле,
КIвал чIурда гьа хъилен-хъиле,
Кутаз тахьуй элдин кьиле,
Акьулдикай кьериди.
 
Бязи ксар хьанва ялахъ,
Четинвилиз таб гуз алахъ,
Гьахъ гафунин жезва чIалахъ
Руьгь кумайди, дириди.
 
Я гьахъ амач, яни гьисаб, 
Сад хьанва къе итимни паб,
Сив ахъайна ийизвай таб,
Вун къахарда «Периди».
 
Тариф ийиз гьарда вичин,
Ихьтинд хьанва дуьнья, вучин?
Атир галай яру ичин,
Чка кьунва кIириди.
 

Гад жедай

КIан хьуналди шад жедач рикI,
Себеб кIан я шад жедай.
Уьмуьр гьалин, лагь, чна гьикI,
Рехъ чин тийиз шад жедай?
 
Кьегьалвилер хьанва кьери, 
Элдин вилик мез я куьруь,
Жагъизвач заз уьтквемд, дирид,
Вилин вили хад жедай.
 
Са рекьизди чун атайтIа,
Лагьай гафар дуьз кьатIайтIа,
Чи кIатIар къуьлуьв ацIайтIа,
Уьмуьрдик чи дад жедай.
 
ТупIар кIватIдай гъуд хьанайтIа,
Гележегдихъ муд хьанайтIа,
Са фикирдал цIуд хьанайтIа,
Душманрин рикI пад жедай.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Хожалыдин сед Yeni kitabların təqdimatı Ктаб кхьена «Говори со мной по-лезгински!» İstanbul Şamil vəqfində maraqli tədbir
Статьи из этой рубрики
Женгера фейи уьмуьр Булахда яд ава СтIал Сулейманаз гуьмбет хкажна Лезги чIал кIанарзава Са маса тIям ава Ватандин чилихъ
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ