Лезгияр вирина  |  10(245) 2011      

Лезги кьегьал Разим Абасова Красноярскда арадиз гъайи, «Монолитстрой» тIвар ганвай эцигунрин компаниди къвердавай мадни чIехи агалкьунар къазанмишзава. Вичин коллективдин чIехи пай лезгияр тир и компаниди гьар йисуз 80-100 агъзур квадратметрдин яшайишдин кIвалер эцигзава. Муьжуьд йис инлай вилик компаниди кIвалер эцигунин карда кьиле фейи Россиядин конкурсда сад лагьай чка кьунай. Инлай кьулухъ Красноярскдин чIехибуру компанидал шегьердин виликан аэропорт алай чкадал 28 мертебадин кIвалерикай ибарат шегьер эцигун ихтибарнай. ЧIехибуру лагьанай: «Шегьер вахтунда эцигна куьтягьайтIа ина лезги кьегьалриз буьруьнждин бюст эцигда. Алатай йикъара лезгийри къадав агакьна кIвалер эцигна кардик кутунва. Им цIийи шегьердин са пай гьазур я лагьай чIал я. КIвалахар икI давам хьайитIа лезгийриз Красноярскда гуьмбет эцигдай югъни фад алукьда».