Квез чидани?  |  8(267) 2013      

     1943-йисан эвелра Сталина Москвадин 612-нумрадин мектебдин сад лагьай синифда кIелзавай Лена Азаренковадилай адетдин тушир чар къачунай. Ленади кхьенай: “Играми Иосиф Виссарионович! Зи буба Азаренков Анатолий Васильевич авиациядин эскадрильядин командир тир. Ам Ватан душманрикай хуьдайла женгина гьелек хьана. Зи дидеди Киевда фашистрин аксина женг чIугуна. Ингье гьамни кьена. Зун жуван бадедихъ галаз санал яшамиш жезва. Гьар пенсия къахчудай вахтунда ада заз къугъвадай затIар ва конфетар къачун патал пул гузва. За а пулар харж тавуна хвенва ва гила захъ 110 манат ава. За Квевай тIалабзава, а пул самолёт расун патал къачу ва а самолёт зи бубади къуллугъ авур 237-полкуниз ракъугъ. Къуй адан юлдашри алчах фашистрилай зи бубадин кьисас къахчурай.”
     Ленадин чар “Огонёк” журналдин 1943-йисан 4-нумрада чап хьана. Идалай кьулухъ СССР-дин вири пипIерай аялри чпиз ганвай “конфетринни” “ёлкадин” пулар кIватIиз, самолётар расун патал фондуниз ра-къурна. Ставрополдин аялри 100 агъзур манат, Иваново вилаятдин аялри 1 миллион манат пулар кIватIнай ва икI мад. 1943-йисуз аялрин пуларалди са шумуд “Ил-2” самолетар расна фронтдиз ракъурнай. 237-полкунин командирди ихьтин самолет къачурла Ленадиз разивал къалурдай чар кхьенай.