Авадан жезва
Чи хуьрер  |  8(267) 2013      

Алай йисан 14-августдиз Азербайжан Республикадин Президент Илгьам Алиев Исмаиллы, Къебеле, Огъуз ва Шеки районра хьана. И районрин агалкьунрихъ галаз таниш хьайи ада, гьакIни инра цIийи карханаяр кардик кутунин мярекатра иштиракна. Агъадихъ чна маса халкьарин векилрихъ галаз санал цIуд агъзурралди лезгиярни яшамиш жезвай а районра гьихьтин дегишвилер кьиле фенватIа, куьрелди кIелзавайбурув агакьарзава.

 

Исмаиллы

   ЦIийиз кардик кутур автовокзалди Баку, Шамахи, Къебеле, Огъуз, Шеки, Къах ва Закъатала шегьерриз физ кIанзавай агьалийриз къуллугъда. Вичихъ къулай шартIар авай и карханада 22 кас кIвалахдив таъмин хьанва.
   Мад са цIийивал. Гьикьван чIав тир шегьердин агьалийри хъвадай цикай кьитвал чIугваз. И татугайвал арадай акъудун патал шегьердиз 11 километр      яргъай гьяркьуь гунгарра аваз булахрин ятар гъанва. И кардихъ авсиятда цин гьамбархана ва маса дараматарни эцигнава. Шегьердиз яд гъидайла 2030-йисуз инин агьалийрин кьадар 28 агъзур касдилай виниз жедайди фикирда кьунва.
  Исмаиллыда уьлкведин чIехида гьакIни пекер цвадай фабрика, цин электростанция, Ивановка-Гьажигьатемли-Моллаисакълы шегьре кардик кутунин мярекатра иштиракна. ЦIийи фабрикада цIудралди дишегьлийри кIвалахзава.
  ЧIехи лезги хуьрерикай тир Сумагъаллыдин мукьув эцигнавай, вичихъ 1600 киловаттдин гуж авай цин электростанцияда 12 кас кIвалахдив таъмин хьанва.
  Районда цIийи рекьер кутунин къай-гъуни чIугвазва. И йикъара агьалийрин ихтиярда вуганвай Ивановка-Гьажигьатемли-Моллаисакълы шегьредин яргъивал 29,5 километр я. И рекьикай 6 агъзур агьалияр яшамиш жезвай 7 хуьруь менфят къачуда.

 

Къебеле

    Шегьерда югъ-къандивай авадан жезвай Къебеледин акунар мадни иер ийизвай цIийи дарамат эцигнава. Им Гьейдар Алиеван Конгрес-сдин Меркез я.    ВацIун къерехда эцигнавай 1200 чкадин Меркездихъ санлай 8,5 гектардин умуми чилер ава. Пуд гьавадин дараматда гьар жуьредин къулай шартIар арадал гъанва. Адан къаншарда вацIун и патай а патаз элячIун патал вичин гьяркьуьвал 24 метр, яргъивал 42 метр тир муьгъ эцигнава. Меркез ачухардай мярекатда  Азербайжан Республика-дин Президент Илгьам Алиева иштиракна.
     ЦIийи дараматрикай садни “Къафкъаз карвансарай” отел я. Девирдив кьадайвал, гзаф иердиз эцигнавай и комплексдихъ 159 утагъ ава. Ина эхъведай цин гьавиз, гараж, пекер чуьхуьдай чка, кьве туьрк гьамам, кьве бугъадин гьамам, иервилин салонар, кьве сауна, массаждин утагъар, биллиард ва теннис къугъун патал залар ва маса объектарни туькIуьрнава.
     Райондин Вандам хуьруьн чилерал вичин къимет 25 миллион манат тир агрокомплекс кардик кутунва. Иниз Германиядай “Симментал” жинсинин 805 кал гъанва. Кархана къецепатан уьлквейрай гъанвай 55 хуьруьн майишатдин техникадивни агрегатрив таъминарнава. 200 касди кIвалахзавай агрокомплексда виликай къвезмай йисара як гьасилдай фабрикани кардик кутада.

 

Огъуз

    Дагъдин районрикай тир Огъузда Азербайжан Республикадин Президент Илгьам Алиев ина эцигзавай Гьейдар Алиеван Меркездин эцигунрихъ галаз таниш хьана. 2014-йисан эхирра кардик кутуна кIанзавай и меркезда 25-30 касди кIвалахда. Ахпа И.Алиева шегьердиз хъвадай яд гунин ва аялрин бахча кардик кутунин мярекатра иштиракна. Ам гьакIни гуьнгуьна хутазвай Къарамерйем-Исмаиллы-Шеки шегьредин Къебеле-Огъуз кьатI ачухардай чIавуз гьана хьана. Вичин яр-гъивал 75-95 километр тир и рехъ кьиляй-кьилди цIийикIа туькIуьрнава. И рекьикай Зарагъан, ГъвечIи Пирали, Мирзебейли, Зергерли хуьрерин ва Ниж поселкадин агьалийри менфят къачуда.
  ЦIийи цин гунгарди ше-гьердин 9 агъзур ва адан патарив гвай 6 хуьруьн 11 агъзур агьалияр хъвадай цивди таъминардай мумкинвал гуда.
  Шегьерда эцигнавай кьве гьавадин бахчадин дараматди 1510 квадратметрдин чка кьазва. Вири жуьредин къулай шартIар арадал гъанвай и карханада 26 кIвалахдай чка ава.


“САМУР”

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я МискIин хкажна Перизада, гьай гуьзел яр Камарванви тават Опечатка, или..?
Статьи из этой рубрики
Туьркиядин лезги хуьр Дуьмберез И чил хайи диге я И чил хайи диге я КцIар райондин Мучугъ хуьр И чил хайи диге я
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ