Кьакьанрихъ ялна
Эпитафия  |  5(264) 2013      

 

ТIвар-ван авай, умун къилихрин такабурлу инсан, Азербайжандинни Дагъустандин халкьарин, гьакI вири Къафкъаздин дамах тир зурба алим, илимдин лайихлу деятель, Азербайжандин Милли Илимрин Акаде-миядин академик, чи республикада сифте яз теориядиз талукь тир физикадин мектеб арадал гъайи физикадинни математикадин илимрин доктор, Бакудин Гьукуматдин Уни-верситетдин профессор Абдулла Мухтарова 2013-йисан 17-майдиз 95 йиса аваз вичин дуьнья дегишарна.
Абдулла Ибрагьиман хва Мухтаров 1918-йисан 24-декабрдиз Дагъустан Республикадин Рутул райондин ЦIахур хуьре дидедиз хьана. Юкьван мектеб акьал-тIарайдалай кьулухъ Азербайжандин Гьукуматдин Университетдин физикадинни математикадин факультетдик экечIай ада 1944-йисуз инаг агалкьунралди куьтягьна. 1946-йисуз Москвадин Гьукуматдин Университетдин аспирантурадик экечIай ада, 1950-йисуз кандидатвилин диссертация хвена.
Азербайжандиз хтай жегьил алим университетдин теориядин физикадин кафедрада кьилин муаллимвиле кIвалахал акъвазна. 1964-йисуз А.Мухтарова физикадинни математикадин илимрин докторвилин диссертация хвена. 1965-1967-йисара ада физикадин факультетдин деканвиле кIвалахна. 1967-1988-йисара профессор А.Мухтарова теориядиз талукь тир физикадин кафедрадиз регьбервал гана.
Абдулла муаллимдин 150-далай гзаф илимдин кIвалахар СССР-дин ва къецепатан уьлквейрин илимдин журналри чапна. Дуьньядин физикадин илимдик лайихлу пай кутур, гьа идалди Азербайжан вириниз сейли авур А.Мухтарова гьакIни чи республикадин мектебра ва институтра чирвилерин система виликди тухунин карда чIехи тир роль къугъвана.
Физика илим виликди тухунай ва бажарагълу кадрияр кIвачел акьалдарун паталди чIугур зегьметдай ада Азербайжан Республикадин Верховный Советдин “Гьуьрметдин чар”, СССР-дин “Гьуьрметдин нишан” орден къачуна. Алим гьакIни СССР-дин ва Азербайжандин “Чирвилерин кIвенкIвечи”, “Азербайжан Республикадин лайихлу илимдин деятель” гьуьрметдин тIварариз лайихлу хьана.
Азербайжан аслу тушир кьилдин гьукумат хьайидалай кьулухъ алимдин зегьметдиз генани чIехи къимет гана. 1998-йисан 28-декабрдиз Президент Гьейдар Алиеван серенжемдалди Абдулла Мухтаров чи республикадин “Шуьгьрет” ордендиз лайихлу хьана.
ЦIахуррихъ ихьтин са мисал ава: “Кьисметди гьи патахъ тухвайтIани, цIахурвиди вич сифте балкIандиз пурар ягъаз чир хьайи чилин, гьа дагъларин, гьа хуьруьн векил яз гьиссда.” Абдулла муаллимдини вич гьамиша дагъларин хва хьиз, кьакьанрихъ ялдай цIахурви хьиз гьиссдай.
Аллагьди рагьмет авурай!
 

 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Cедакъет Керимова - 60 Qarabağ yanğısı Поэт и его время Вечер талышской поэзии и музыки Гатфарин гьава - Весенная погода
Статьи из этой рубрики
Хожалыдин сед РикIелай тефир камалэгьли Bağışla bizi, Çingiz! Чаравал Квадарун
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ