Харусенят  |  4(263) 2013      

      Эхиримжи йисара Москвадин лезгийри Яран суварин мярекатар санал, чи сейли сеняткаррин иштираквилелди тухузва. И гъилера концерт «Останкино» телеканалдин «Королевский» залда кьиле фена. Лезгийрин тIвар-ван авай маничийри иштирак авур а мярекатдиз Бакудин «Су-вар» ансамблдин 4 руша – Жавагьир Абдуловади, Элвина Гьейдаровади, Жеми-ла Заловади ва Роза Гьажимурадовади лезги халкьдин манийрин гьава гъана.
      Милли пекер алаз сегьнедиз экъечIай и лезги таватрин сад-садалай иер ванери вири рам авуна. «Пейкер баха», «КIанда, кIанда», «Даллай», «Эсли-Керем», «Шамил атана» хьтин халкьдиз рикIяй кIани манийрикай попурияр лагьай абур вирида хушвилелди кьабулна. Рушари кьилди лагьай, гафарни музыка Седакъет Керимовадинбур тир «Чан дидедин», «Къафкъаз», «Вун аватIа», «Къарагъ дуьнья, «Лезгинкадал» кьуьлериз» манийри «Суварин» ва адан маничийрин вини дережа мад гъилера субутна.

Шагьин ЗАЛОВ