Халкьдиз бахш авур уьмуьр
ГЬЕЙДАР АЛИЕВАН 90 ЙИС Барка  |  4(263) 2013      

Алай йисан 10-майдиз вири дуьньяди сейли сиясатчи, чехи арифдар, тай авачир регьбер, Азербайжан халкьдин лидер Гьейдар Алиеван 90 йисан юбилей къейд ийида. Халкьдин тIалабуналди вичи кьвед лагьай гъилера Азербайжандиз регьбервал гуз гатIумайла Гь.Алиева лагьанай: «За жуван уьмуьрдин амай пайни халкьдиз бахш ийизва.» ГьакIни хьана, ада халкь паталди гзаф чIехи крар кьилиз акъудна. Къарабагъда ягъ-ягъунар акъвазарна. Месэла ислягьвилелди гьялун патал вири жуьредин ала-хъунар авуна, дуьньядин талукь тешкилатар кIвачел къарагъарна.
Аслу тушир Азербайжандин архитектор тир Гьейдар Алиева уьлкве яшамиш хьун, къудратлу хьун, адан экономика гуьнгуьна хтун патал гзаф месэлаяр гьялна. Мадни гзаф нафт гьасил авун ва гьа и кардалди республика кIвачел ахкьалдарун патал «Асирдин икьрар» лугьудай икьрар кутIунна, хсусиятчивал ва хуьруьн майишат виликди тухун патал реформаяр кьилиз акъудна.
Къанни цIуд йисалай артух вахтунда Азербайжандиз регьбервал гайи, алатай асирдин 80-йисара СССР-дин регьберрикай сад хьайи къудратлу сиясатчи Гьейдар Алиеваз къецепатан машгьур ксари, регьберри лайихлу къимет ганай. Америкадин Садхьанвай Штатрин Демократиядин Меркездин кьил Адлейн Чейишейна ла-гьанай: «Азербайжандин президент Гьейдар Алиев лугьуз тежедай кьван чIехи инсан я. Сиясатчи ва гьукуматдин кьил хьиз ам Жорж Вашингтонахъ галаз гекъигиз жеда.» Уьзбекистандин президент Ислам Керимова гьейранвилелди лагьа-най: «Гьейдар Алиев хьтин регьбер авай халкь хушбахт я.»
Халкьдиз чIехи регьбер пара кIандай, вучиз лагьайтIа ада ватандиз рикIин сидкьидай къуллугъзавай. Адазни Азербайжан пара кIандай. Гьавиляй садра лагьанай: «Азербайжан зи рикI я. Азербайжан зи нефес я. Азербайжан зи уьмуьр я.» Халкьдиз ва ватандиз авай чIехи муьгьуьббатдикай къуват къачур Гьейдар Алиева халкь вичин уьлкведин сагьиб авуна. Регьберди тухвай къенепатан ва къецепатан сиясат дуьньядин демок-ратияди ачухнавай рекьерив, принциприв кьадайди хьана. Ада Азербайжандин къене демократиядин принципар арадал хкана, республикадин къецепатан сиясатда Азербайжандин аслу туширвал хвена. Вичин фикирризни принциприз эхирдал кьван вафалу яз амукьна.
ЧIехи сиясатчи ва регьбер, са гафни авачиз, халкьдин лидер яз Гьейдар Алиев гьеле сагъзамаз жанлу кьисадиз элкъвенай. Гьавиляй Гьейдар Алиеван феноменди гьамиша инсанар вичихъ ялзава. Адан тIвар дуьньядин чIехи регьберрикай сад яз тарихда гьамишалух яз амукьда.

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Руьгь хкаждай вакъиа Фарида стала чемпионкой Европы KIвачерик звер кутуна «Суварин» таватар Ulu öndər haqqında düşüncələr
Статьи из этой рубрики
Аваз хьурай "Лезги газет"! «Сувар»у скоро 20 лет Cедакъет Керимова - 60 300 лагьай тилит Ктаб кхьена
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ