Лезгияр вирина  |  12(247) 2011      

 Алай йисан 14-декабрдиз Дагъустан Республикадин Магьачкъала шегьерда и уьлкведин гьукуматдин газет тир “Лезги газетдин” 90 йисан юбилей гегьеншдиз къейд авуна. Са йис алатайдалай кьулухъ кьиле тухвай и мярекат гзаф гурлуди хьана.
90 йисан девирда “Лезги газет” баркаллу рехъ фена, вири йисара ада халкьдихъ галаз, адан шадвилеризни пашманвилериз шерик яз виликди камар къачуна, ам халкьдин милли газетдиз элкъвена. Магьачкъалада кьиле фейи мярекатдал газетдин тарихдикай, ам фейи четин ва баркаллу рекьикай, газетдин къенин йикъарикай гегьеншдиз рахана.
“Самурдин” коллективди Дагъустан Республикадин газет тир “Лезги газетдин” коллективдиз ва кIелзавайбуруз и баркаллу юбилей рикIин сидкьидай мубаракзава, чи къелемдин дустариз чандин сагьвал, яратмишунрин рекье мадни чIехи агалкьунар тIалабзава!

“Самур”