Квез чидани?  |  3(262) 2013      

      И йикъара газетри хабар гайивал, эрменийриз Азербайжандин къадим шегьеррикай тир Шушада «Талышистандин ван» (Толышстони сəдо») тIвар ганвай радио кардик кутаз кIанзава. Им вучтин радио ятIа, гьикI ва ни арадал гъанватIа лугьузвач.

     Газетри эрмени чешмейрал бинелу яз кхьенвайвал, и радиодин гунугар талыш миллетдин векилар тир журналистри гьазурда. Радио кьве чIалал – талыш ва азербайжан чIаларал рахада.

     Хабарра радиодин рекламдин чархуникай – «Youtube. Com» порталда гьакьарнавай видеодикайни малумат ганва. Рекламдин чархунай музыкадихъ галаз санал талыш чIалал анонс гузва. «Mediaforum» сайтини малумарзавайвал, анонсдин вахтунда гьакIни гунугар куьруь цIиргъина, 9677 йигинвиле чукIурда лагьанва.

     Аквазвайвал, гила эрменияр талыш чIалалди Азербайжандал бугьтенар вегьиз алахъзава. И кардин вилик пад кьун патал 1993-йисуз Бакуда лезги, талыш ва куьрд чIаларал кардик кутур радиогунугар цIийи кьилелай чи республикадин агьалийриз ван хьун патал «Араз» программадиз хкана кIанзава. Алай вахтунда и чIаларал гунугар гуя Азербайжандилай къеце патаз гузва кьван ва гьавиляй чи агьалийриз ван къвезвач. Амма къецепатан уьлквейра абур ван атай касни авач. И месэладикай «Самурди» са шумудра кхьенатIани, республикадин талукь идарайри гьелени дидед чIалал гунугрихъ яб акализ кIанзавай агъзурралди инсанрин тIалабун кваз кьазвач.