Кьегьалвилин чешне
Лезгияр вирина  |  11(246) 2011      

Элдин гьуьрмет къазанмишнавай, къени къилихрин, мерд инсанрикай гаф кватайла кцIарвийри Надиршагь Ширинован тIварни гьуьрметдалди кьада. «Ам гафарни крар сад тир, девирдивайни къуллугъдивай дегишариз тежер кас я. Хизандихъ, хуьруьнбурухъ, ярар-дустарихъ кудай рикI ава адахъ. Вичин рикI хьиз пелни, суфрани ачухди я касдин», лугьуда гзафбуру.
Вичикай ихтилат физвай Надиршагь Ширинов Азербайжан-дин гзаф духтурриз чешне тир пешекар я. Чина датIана мили хъвер къекъвезвай, акунар авай и кас кIвалени, кIвалахални, халкьдин кьулани са кардалди иллаки тафаватлу я: къайгъударвилелди. РикI куда адан инсанрихъ.
Хва бубадал къведа лугьуда. Яргъал йисара КцIар райондин Ясабуба хуьруьн мектебдин завучвиле, гуьгъуьнлай 12 йисуз директорвиле кIвалахай Къырхларбег Ширинов хайи хуьруьн ва хуьруьнбурун таъсиб чIугвадай, мектебдал чан эцигай, аялриз герек тир чирвилер гун патал гзаф алахъунар авур инсан я. Вичин кьуд рушни кьве хва гъвечIи чIавалай зегьметдални кIелунал рикI алаз вердишарай ада абурув институтарни куьтягьиз туна. Веледар хизандал рикI алай, кIвалин-къан иесияр хьиз, элдихъ кудайбур хьиз чIехи авуна.
Хизандин вад лагьай аял тир Надиршагьа 8-синиф хуьре,  10-синиф Бакудин 190-нумрадин мектебда куьтягьна. Н.Нариманован тIварунихъ галай Азербайжандин Гьукуматдин Медицинадин Инсти-тутдик экечIна. 1989-йисуз инаг акьалтIарай жегьил КцIар райондин Уьнуьгъуба хуьруьн амбулаториядин кьилин духтурвиле тайинарна. Азарлубур сагъарун патал йиф-югъ талана зегьметар чIугур жегьил духтурдин суракьар къунши хуьреризни чкIана. Вичин савадлувилелни марифатлувилелди, инсанрихъ рикI куналди элдин патай нуфуз къазанмишай адав гзавфбур хайиди хьиз агатна, адал меслят гъана. Гьавиляй гьеле жаван чIавалай ясабубавийри, уьнуьгъубавийри, гьакIни къунши хуьрерин агьалийри агъсакъалдиз хьиз икрам авуна адаз.
Девирдив кам-камуна аваз физвай Надиршагьа 1995-йисуз хуьре сад лагьай фермервилин майишат арадиз гъана. Вад хизанди санал туькIуьрай и майишатдихъ агалкьунарни хьана.
2000-йисуз духтурвилин амбулатория Уьнуьгъубадай Ясабубадиз куьчарна ва адаз регьбервални Н.Ширинова гана. 2006-йисуз ам райондин кьилин азарханадин регьбервиле тайинарна. И къуллугъ ада кьве йисуз кьилиз акъудна. 2010-йисалай райондин гигиенадинни эпидемиологиядин меркездин директорвиле кIвалахал акъвазай Надиршагь Ширинов вичин къуллугъ гьакъисагъвилелди кьилиз    акъудзавай, жавабдарвилихъ ялзавай, коллективдал рикI алай инсан я. Гьеле и къуллугъдал къведалди адахъ элдин патай гьихьтин гьуьрмет аватIа къалурдай са делил гъин. 1999-йисалай инихъ хуьруьнбуру Н.Ширинов пудра беледиедиз хкяна. Вичихъ 9 хуьр, гьакIни Ясабуба акатзавай Кьуьхуьрубадин беледиедин эхиримжи сечкийра Надиршагьа 29 кандидатдикай гзаф сесер кIватIайбурун арада 2-чка кьуна.
ЦIийи Азербайжан Партиядин КцIар райондин тешкилатдин председателдин заместителвилин везифани кьилиз акъудзава Надиршагь Ширинова. Анжах кIвалахрин гзафвилини четинвили адан литературадиз майилвал тIимиларнавач. Вичин хсуси ктабханада Р.Гамзатов, Ч.Айтматов, З.Ризванов, Б.Вагьаб-заде хьтин гзаф сеняткаррин автографар алай ктабар хуьзвай ада ара датIана шиирринни прозадин ктабар кIелда. ЦIийи ктабар гъилик ийиз адаз уьмуьрдин юлдашди, Азербай-жандин Гьукуматдин Университет акьалтIарна Ясабуба хуьруьн ктабханадиз регьбервал гузвай Чичегани куьмек гузва. Абуру ктабрикайни авторрикай веревирдер ийидайла аялрини маракьдив яб акалда.
Спортдални гзаф рикI ала адан. Жегьил чIавалай кьуршахар кьунив машгъул я. Вичихъ вахт авайла ам футболни къугъвада. Гьар Яран сувариз футболдай Ясабубадин жегьилринни ветеранрин акъажунар тешкилда ада.
Алай йисан 5-ноябрдиз Надир-шагь Ширинован 50 йис тамам хьана. Адан уьмуьрдикай кфет хкуддай, цайибурун бегьер кIватIдай бере я. Дуьньядални уьмуьрдал кьару тир адаз 50 яшар гуз жедач. Чна хийирлу крарихъ гелкъвезвай, рикI ахъа, инсанар кIани, руьгьдал гьамиша  жегьил тир Надиршагь Шириноваз юбилей тебрикзава. Адаз уьмуьрдин рекьера бахтлувал, кар-кеспидал гьалтайла цIийи агалкьунар тIалабзава.

Азизрин СЕВДА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
«Самур» чи ивидин дамар я Вириниз сейли композитор Дети танцуют «Лезгинку» Təəssüf edirəm Чи бубайри лагьанай ...
Статьи из этой рубрики
Прорубим окно в Европу Елабугадин дамах Адан экуь рехъ Отражение души Парижда са тават ава...
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ