Хабарар  |  1(260) 2013      

     Алай йисан 20-январдиз Азербайжан Республикадин Президент Илгьам Алиева Шегьидрин Хиябандиз фена, 23 йис инлай вилик уьлкведин азадвал патал чан гайи шегьидар рикIел хкана. Ада "Эбеди мешэл" гуьмбетдин вилик цуькверин кIунчI туна. Гьа юкъуз Президентдихъ галаз санал гьукуматдин вилик-кьилик квайбуру, диндин ижмайрин кьиле авайбуру, чи уьлкведа авай къецепатан посолрини шегьидрин сурар зиярат авуна.
     1990-йисан 20-январдиз Советрин кьушунри Бакуда ва чи республикадин бязи районра динж агьалийриз къарши авур вагьшивилер халкьди садрани рикIелай ракъурзавач. Гьа юкъуз кьиле фейи вакъиайрикай 147 инсан гьелек хьана.