Хабарар  |  10(257) 2012      

Пуд йис инлай вилик Туьркиядин патай Евровиденидин конкурсда иштирак авур ва кIвенкIвечи чкайрикай сад кьур, вичин буба лезги тир Гьадисадин иервили ва ванцин ширинвили гзаф уьлквейрин менеджерар желбзава. Гзафбур манияр альбомриз кхьин патал адахъ галаз икьрарар кутIуниз алахъзава. Бельгияда адаз куьмек гузвайбур генани пара ава. Алай вахтунда вич и уьлкведа яшамиш жезвай Гьадиса и мукьвара менеджеррин тIалабуналди Туьркия-диз атана. Ада ина са карди вич гьейранарайди малумарна: "Ина гьар са касдивай гьар са кIвалах ийиз жеда. Моделди актрисавал ийизва, маничи актер хьиз сегьнедиз экъечIзава. Гьатта сиясатдихъ галаз машгъул тир маничийризни пис виляй килигзавач. Зунни 50 яш хьайила ина сиясатдихъ галаз машгъул жедай хьтинди я".