Лезгияр вирина  |  8(255) 2012      

Гьар йисуз къадим Ахцегь шегьерда лезги халкьдин "Шарвили" эпосдин суварар тухун адетдиз элкъвенва. Гила ина "КIелед хев" лугьудай чкадал Шарвилидин гуьмбет эцигна кIанзава. Бес ам ни эцигда? Икьван гагьди са шумуд устадди и кар патал теклифар ганва.
Алай йисуз вичин 80 йис къейд авур, Дагъустандинни Россиядин халкьдин художник, ДГПУ-дин профессор, гьукуматдин премийрин сагьиб, 100-дав агакьна лап зурба къаматрал чан хканвай устад, дуьньядиз сейли лезги скульптор Гьейбат Гьейбатовани и йикъара гуьмбет эцигунихъ авсиятда вичин фикир малумарнава: "За исятда Лезгинцеврин зурба гуьмбетдин винел кIвалахзава. Умудлу я, йисан эхирдалди ам эцигна куьтягьда. Сад Аллагьди сагъламвал гайитIа ва кардиз зун лайихлу яз акуртIа, чи халкьдин эпосдин игит Шарвилидин къамат арадал хкидай ниятарни ава..."