"Самурдин мектеб"  |  7(254) 2012      

Пуьнуьгет

Пуьнуьгет къавук жедай гъуьл-ягъдиз лугьуда. И гъуьлягъ кIвалин руьгь яз гьисабдай, ам кьиникь къадагъа алай кар тир. Пуьнуьгетди гьарагъайла, кIваляй са кас рекьида лугьудай. Ада гьарай тавун патал къавун чукьвандик са кьас фу кутадай. Гилалди ихьтин мисал ама: "Вун кIвалин пуьнуьгет яни?" - лугьуда кIваляй экъечIиз такIан ксариз.

Кимкажа

Им гъвечIи северин тухумдикай тир гьайван я. Адак тIимил-шимил севрекайни, маймундикай квайди аквада. Гьайвандин яргъивилел 90 сантиметр ала ва гьадакай акIажариз жедай тумунал 50 сантиметр гьалтзава. КIевиз кьадай тумуни адаз тарариз лап хъсандиз акьахдай мумкинвал гузва. Кимкажа Кеферпатан Бразилияда, Перуда, Мексикада ва Флоридада яшамиш жезва. Ам Кьиблепатан Америкада чкадин агьа-лийрин рикI алай кIвалин гьайван я.