Квез чидани?  |  7(254) 2012      

Октябрдин инкъилабдилай вилик Дагъустандин агьалийрин анжах 3 процент савадлу тир. Маса халкьарив гекъигайла лезгияр виридалайни вилик фенвай. Чи халкьдин 18 процент савадлу тир.
1913-йисуз  Дагъустанда мектебдин яшда авай аялрин анжах 4 процентди кIелзавай. Лезги аялрин 12,8 процентди мектебра чирвилер къачузвай. Ина девлетлуйрин 84 мектеб авай. Абурукай 38 мектеб лезгийри ачухарнавайбур тир.
Гьа йисуз Дагъустанда 1700 мискIинди, 356 жуьмя мискIинри, хашпересрин 22 килисади ва чувудрин 26 синагогди кIвалахзавай. МискIин-рин патав араб чIалалди тарсар гузвай 766 мектеб кардик кутунвай. Лезгияр яшамиш жезвай Кьиблепатан Дагъустанда гьам мектебрин, гьамни мискIинрин патав гвай мектебрин кьадар генани пара тир.