Хабарар | 8(353) 2021
Виликай къвезмай 2022 йисан 1-январдилай гьукуматдин патай агьалийриз гузвай куьмекар артух жеда. Сад лагьай группадик акатзавай набутри гила 150 манат ваъ, 220 манат къачуда. Кьвед лагьай группадиз 130 манатдин чкадал 180 манат вугуда. Пуд лагьай группадин набутри 120 манат къачуда.
Аялриз гузвай пулунин куьмекарни артухарда. 18 йис жедалди гузвай ихьтин куьмек гила вацра 150 манат ваъ, 200 манат жеда. Набут аялар къачуна, абуруз буба-дидевал ийизвайбуруз 480 манат ваъ, 600 манат вугуда. Аял дидедиз хьайила са гъилда гузвай пул 100 манатдин артухарда. Гила хайибуру 300 манат къачуда.
Гьа са вахтунда пенсияр ва Президентдин пенсиярни артухарда. Студентриз гузвай чешнелу стипендиядин кьадар 204 манатдив агакьда. ЦIийи серенжемар гьуьрметдин тIварар къачунвайбурузни талукьарнава. «Халкьдин» тIвар къчунвайбуруз цIийи йисалай 150 манат ваъ, 180 манат, «Лайихлу» тIвар къачунвайбуруз 100 манат ваъ, 120 манат вугуда.
Пулунин куьмекар артухаруниз талукь серенжемри санлай 732 агъзур инсандин агьвал хъсанардай мумкинвал гуда. И макъсаддалди гьукуматдин бюджетдай 200 миллион манат кьван такьатар серфда.
Скачать PDF
Комментарии к статье
Будьте первым кто оставит комментарий к статье.Оставить комментарий