Этнография  |  7(254) 2012      

Лезги манийрал рикI алайбур патал шад хабар!

Бакуда "Сувар" ансамблдин "Чан дидедин" тIвар алай нубатдин - 5 - лагьай альбом MP-3 форматда чапдай акъатнава. Им фадлай альбомдин рехъ хуьзвайбур патал хъсан савкьват я.
Виликдай хьиз цIийи альбомдани шаир-композитор Седакъет Керимовадин ма-нийри кьетIен чка кьазва. Абурук авторди эхиримжи йисара кхьенвай ва халкьдин сиве гьатнавай "Заз яр ава", "Мехъер я", "Баде", "Зарият", "Къафкъаз", "Ватан", "Чан дидедин" хьтин маниярни акатзава. Абур Жавагьир Абдуловади, Роза Гьажи-мурадовади, Жемила Зало-вади ва Элвина Гьейдарова-ди лугьузва.
Альбомда Заур Мусаева ягъизвай лезги халкьдин макьамрикай "Экуьнар", "Дагъларин авазарни"  гьатнава. Ина  ансамблди цIийи кьилелай туькIуьрнавай са шумуд халкьдин манини ава.