КичIе шараг
Мах  |  6(351) 2021      
    НуькIрен шарагди цIийиз какадай кьил акъуднавай. Адан цIивцIивдин ван вири тамуз чкIанвай. Диде нуькIрени буба нуькIре адаз чан-рикI ийиз верцIи манийрал илигнавай. Абуру нубатдалди шарагдиз тIуьн гъизвай. Шараг лагьайтIа, гьар вуч хьайитIани чириз алахъдай. Гудай кьван суалар вуч тир ада?! Галатна са вил ахвариз кIанзавай дидедизни бубадиз секинвал авачир:
   – Диде, югъ хьайила цава авай гъетер вучиз квахьда?
   – Буба, нянихъ рагъ гьина чуьнуьх жезва? 
   – Ксус, я гъвечIид, югъ ахъа хьайила лугьуда за ваз. 
   Ингье гъвечIид акъваздачир: 
   – Вучиз вири гьайванри лув гузвач? 
   – Вучиз марф къвазва? 
   – Тарцел шумуд пеш алайди я? 
   – Чна пIаркIвар недайла абурун хайибур шехьзавачни? 
   Бубади жаваб гудай:
   – Вири гьайванриз тIуьн кIанзвайди я. ТIуьн паталди маса гьайвандин чан къачун тIебиатдин къанун я. Гьайванри им кеф паталди ийидач.
   – Садрани?
   – Гьич садрани.
   Йикъар къвез алатзавай. Маса нуькIерин шарагриз фадлай лув гуз чир хьанвай, абуру чпи-чпиз тIуьн жагъурзавай. ГъвечIи нуькIрез лагьайтIа, сакIани лув гуз кIанзавачир. «КичIе я заз, мукай са камни вегьидач за», – лугьузвай ада хайибуруз. 
   Патав гвай гийин тарцин хилелай цуцIулди абуруз килигдай. Гьар гъилера гъвечIи нуькIре «Заз кичIеда, лув гудач за» лагьайла цуцIул руфун кьуна хъуьредай. ЦуцIулди икI авурла генани кIевелай гьавалат жедай абур чпин шарагдал: «Я чан бала, чал гьайванар хъуьруьрмир, нуькIрез лув гуникай кичIе женни?» Ингье гъвечIи нуькIре и гафар кваз кьадачир. ЦуцIулди датIана нуькIрен шарагдихъ хкIуьрдай, адан чарасузвилел хъуьредай: «Яраб вун хьтин кичIехъан мад аватIа дуьньяда? Вун нуькI ваъ, гъуьлягъ хьана кIанзавайди тир!» – лугьуз ягьанатдай ада.
   Гад алатна, тарцел алай пешерни алахьна. Гзаф чIехи хьанвай шарагдиз лув гуз чир хьанач хьи, хьанач. Им акур диде-бубади вил атIана адакай.
ЦуцIулдиз шарагар хьанвай. Абурук кьил какахьанавай адан рикIел нуькIрен шараг хквезмачир. Ада вичин хизандин къайгъу чIугвазвай.
   Къарилай са къуз цуцIул шуьмягъар кIватIун патал тамун агъа кьилиз фенвай. Адан гъвечIи шарагди таран хъалхъамда авай мукай кьил акъудна кьуд патаз килигзавай. Садлагьана адаз са чепелукь акуна. Ам акьван иер тир хьи, цуцIулдиз ам кьаз кIан хьана. Чепелукь элкъвена-гелкьвена атана цуцIулдин нерал ацукьна. Тихтихар акатай ам ван алаз акI хъуьрена хьи, нуькIрен шарагни ахварай аватна. ЦуцIул мукай аватиз кичIе хьайи ада гьарайна: «Юзамир, чилел ават тавурай вун!» Ингье цуцIулдиз ван къвезвачир. Ам чепелукь кьаз алахънавай. Садлагьана адан тапац мукан рувадилай цIуьдгъуьн хьана, ам тарцин шуькIуь хилекай кватна амукьна. Вичихъ гуж амачир цуцIул чиле акьаз тIимил амай. Гьа и чIавуз са ни ятIани ам кьуна цавуз хкажна. Им нуькIрен шараг тир. Ам вичин кичIевал рикIелай алудна куьмекдив агакьнавай. 
   Диде цуцIулдиз регъуьла лугьудай гаф амачир. Вичи шумудра рикI хайи гъвечIи нуькIре адан шараг кьиникьикай куьтягьнавай. НуькIрен шарагдин лагьайтIа, кефияр къумбар хьанвай. Гила адавай вири нуькIеривай хьиз лув гуз жезвай. 
 
Азизрин СЕВДА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я РикIел хкунин югъ Аялрикай фильм Хуьлуьхъ Тават Савкьватри шадарна
Статьи из этой рубрики
Хъсанвилиз писвал Жив такур гъед Гатфар ЦIийи рагъ Дидеяр
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ