Азербайжандин палчухдин вулканар ви-ри дуьньядиз машгьур я. Дуьньядин 1700 пал-чухдин вулканрикай 700 чи уьлкведа ава. Абур Абшерон зуракI къураматдин Шамахы-Къобустан регионда, Кьибле-РагъэкъечIдай Ширванда ва Баку архипелагда экIя хьанва. Гьа и кар фикирда кьуна алай йисан 22-апрелдиз Абшерон райондин Къобустан хуьре палчухдин вулканрин туриствилин комплексдин фундамент кутуна. 

    Комплекс  Бакудивай 59 км яргъа, Шамахыдиз физвай шегьре рекьин къерехда, гьуьлуьн дережадивай 235 метрдин кьакьанвиле, виридаз «Къилинж» хьиз  чизвай чкадал хкажда. Инлай дуьньядин виридалайни чIехи вулканрикай тир «Торагай» капун юкьвал алайди хьиз аквазва. Туристриз инлай  мукьув гвай Къобустан къурухдиз финни гзаф регьят жеда. 12 гектардин чка кьадай цIийи комплексда квадроциклриз кьилди чка, яхди физвайбурун рехъ, сувениррин туьквен, сагъламвилин ваннаяр кьабулдай чка туькIуьрун фикирда кьунва. Президентди къейд авурвал, ихьтин инфраструктураяр арадиз гъун республикадин районрин экономика хкажун патал важиблу я.