Редакциядиз чар  |  6(253) 2012      

Zəhmətkeşliyi, elə, obaya bağlılığı, ailəsinə sədaqəti ilə seçilən Əhməd Bağırovun heç xəyalına da gəlməzdi ki, haçansa SSRİadlı böyük imperiya dağılacaq, doğma respublikası müstəqillik əldə edəcək, vətən oğulları vətən uğrunda canından keçib şəhid olacaq. Bu hadisələr onun həyatından da yan keçmədi, oğlu Valeh vətən sərhədlərini qoruyarkən qəhrəmanlıqla həlak oldu.

Azərbaycan Respublikasınin Prezidenti İlham Əliyevin 30 iyul 2004-cü il tarixli fərmanı ilə Bağırov Valeh Əhməd oğlu ölümündən sonra “İgidliyə görə” medalı ilə təltif olundu. Sinəsinə oğul daği çəkilmiş Əhməd Bağırov taleyin bu amansız sınağı qarşısında sınmadı, buna mətanətlə dözdü.

1955-ci ildə Qusar rayonunun bağlı-bağatlı Əçəxur kəndində anadan olmuş Əhməd kənddə orta məktəbi bitirdikdən sonra 1972-ci ildə Azərbaycan Texniki Universitetinin axşam şöbəsinə daxil olmuş, əmək fəaliyyə-tinə 1973-ci ildən L.Şmidt adına Bakı maşınqayırma zavodunda tornaçı şagirdi kimi başlamışdır. 1974-1976-cı illərdə ordu sıralarında xidmət etmiş, 1981-ci ildə texniki təhlükəsizlik şöbəsinə mühəndis vəzifəsinə, 1984-ci ildə isə  şöbənin rəisi vəzifəsinə təyin olunmuşdur. 1993-cü ildə o, “Qaynaqçı” kooperativinə sahə rəisi vəzifəsinə təyin edilmişdir. Hazırda Bakı Mexanika Quraşdırma Şirkətində sədrin iqtisadiyyat məsələləri üzrə müavini vəzifəsində işləyir.

Harada çalişmasindan asili olmayaraq, işinin öhdəsindən layiqincə gələn Əhməd Bağırov yaxşı peşəkar olmaqla yanaşı, həmçinin qayğıkeş və səmimi ailə başçısıdır.

Bəybala Ələsgərov