Юбилей | 1(346) 2021
Азербайжан Республикадин Президент Илгьам Алиеван алай йисан 5-январдин серенжемдив кьадайвал, 2021-йис чи уьлкведа Низами Генжевидин йис хьиз малумарнава. Неинки Азербайжандин, гьакIни дуьньядин эдебиятдин зурба векилрикай тир Низами Генжеви вичин дерин фагьумралди инсаниятдиз цIийи поэзия бахшнавай надир шаиррикай я.
Къадим Генже шегьерда яшамиш хьайи Низамиди вичин вири дуьньядиз сейли «Хемсени» ина кхьенай. Адан философиядин-ни эстетикадин рекьяй гзаф метлеблу тир эсерар тай авачирбур я. Шаирдин ктабар дуьньядин машгьур музейра ва ктабханайра хуьзва.
ЧIехи камалэгьли рикIера амукьдайвал авун патал Генжеда адаз мавзолей хкажнава. Бакуда, Санкт-Петербургда ва Римда гуьмбетар эцигнава. Азербайжандин Милли Илимрин Академиядин Эдебиятдин Институтдиз ва Азербайжандин Милли Эдебиятдин Музейдиз Низами Генжевидин тIвар ганва. Британиядин Оксфорд университетда Низами Генжевидин меркез кардик ква.
Алай йисуз чIехи камалэгьли дидедиз хьайи 880 йис тамам жез-ва. Гьавиляй адан юбилей чи уьлкведа гегьеншдиз къейд ийида.
Анна ГЬАСАНБЕГОВА
Скачать PDF
Комментарии к статье
Будьте первым кто оставит комментарий к статье.Оставить комментарий