ЦIийи рагъ
Мах  |  8(345) 2020      
    Гзаф йисар инлай вилик гьар са хуьруьхъ, гьар са шегьердихъ жуван рагъ авай кьван. А ракъар гъвечlи, чандиз са гужалди чим акъуддайбур тир. Гъвечlи ракъарин экв ва чимивал тарариз бес жезвачир, абуру геж цуьк ахъайзавай, майваяр лагьайтlа, шуьмягъдилай са тIимил кьван чlехибур тир. Ингье инсанар чпин ракъарилай рази тир. Атай югъ няни ийиз, маса куьнив кар авачиз уьмуьр гьалдай абуру. Хуьрера инсанрин арада фин-хтун авачир, гьарад вич-вичиз тир.
Гагь-гагь са хуьруьн цава хважамжам, къунши хуьруьн кьилел чIулав цифер алаз аквадай инсанриз. Муькуь юкъуз а пата рагъ экъечlдай, и пата лагьайтlа, цав цифери кьадай. 
    Гьикl ятlани садра са хуьруьн цава адетдин тушир чlупчlулав цифер кlватl хьана. Са югъ, кьве югъ, кьве гьафтени алатна, ингье рагъ акъатзвачир. Цифер къвердавай залан жезвай. Къунши хуьрера чпин кlвалерин къаварал акьахиз цавуз килигзавай инсанрик къалабулух акатзавай. Цlайлапанди а хуьр къирмаждай акъудзавай, ингье садни вичин чими кlвал туна къуншийрикай хабар кьаз физвачир. 
    Са кьадар йикъар мад алатна. Эхир цифер хуьруьн кьилел марфадиз элкъвена къвана, цавар алахьна. Цав ахъа хьайила инсанриз аламатдин кар акуна: абурун рагъ туьхвенвай. Я экв гузмачир ада, я чим. Ам пад хьанваз цавукай куьрс хьана амай. Къуншийрин рагъ туьхвенваз акур инсанрин кьарай атlанвай. Чпин ракъар чкайрал аламайтlани, рикlин секинвал квахьнавай абурун. Цавни гила виликан хьиз вилиди яз амачир. Са куьнини дад хгузмачир абуруз. 
ГьикI ятIани са шумуд кас эхиз тахьана, рагъ туьхвей хуьруьз рекье гьатна. Са чlавуз къапкъацу тир и хуьруьз цlайлапанди гуж авунвайди чпин вилералди акур къуншияр къах хьана. Ина саламат тир са кlвални амачир. Къуншияр уьцlвенвай цларин кIаник кумай инсанриз куьмек гуз алахъна.  Куьмек гун патал маса къунши хуьрерайни инсанар къвезвай. Вирибуру хилер къакъажна рикlяй куьмек гузвай. Цlайлапанди ягъанвай кlвалеринни тарарин цIай туьхуьрун патал инсанар жергеда акъвазнавай. И цIиргъинин са кьил вацlув агакьзавай.
    Куьмек гуз атанвайбуру чпин хуьруьнбуруз хабар ракъурзвай, гьавиляй иниз сел хьиз инсанар къвезвай. Къвезвайбуру капашда кьуна чпин ракъарикайни са кlус гъизвай, абур туьхвенвай ракъинихъ гилигзавай. 
    Рагъ чlехи хьунивай цавуз хкаж жезвай. Ада генани пара экв, генани пара чим гузвай. И рагъ акваз инсанрин рикlеризни секинвал хквезвай. Кlусарикай туьхкlуьрнавай рагъ муькуь ракъарилай гзаф чlехиди ва генани экуьди хьанвай. Адан чимивиликай яргъал хуьреризни пай аватзавай. 
 
АЗИЗРИН СЕВДА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Къарабагъ азад хьана! Кьил кьазвачир рехнеяр РикIел хкана «Суваб» кардик ква Bir kənddən dörd qəhrəman
Статьи из этой рубрики
Хъсанвилиз писвал Жив такур гъед Гатфар Дидеяр ЦицIибни шенпIи
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ