Къарабагъдин женгер
Редактордин гаф  |  7(344) 2020      
    Къарабагъдин къалар Азербайжандин Дагълух Къарабагъ автоном вилаятдин чIулав къуватри чеб Эрменистан Республикадихъ галаз галкIида лагьай къарар кьабулай 1988-йисан 20-февралдилай гатIунна. Азербайжандинни Эрменистандин арада чIехи женгер 1992-йисалай кьиле фена. 1994-йисан майдиз Россиядин куьмекдалди дяве акъвазарна. Гуьгъуьнлай ОБСЕ-дин принциприв кьадайвал, ислягьвилин икьрар патал рахунар тухуз  Минск группа туькIуьрна. 
    Сад лагьай Къарабагъдин дяведа эрменийри Азербайжандин Дагълух Къарабагъ, гьакIни чи Лачын, Келбежер, Агъдам, Жебраил, Фуьзули, Къубадлы, Зенгилан районар, яни республикадин чилерин 20% чпин пацук кутуна. Дяведа Азербайжандин 20 агъзур кьван агьалияр гьелек хьана, 50 агъзур инсандал хирер хьана, абурукай гзафбур набут я. 1 млн. инсан хайи чилер туна катиз мажбур хьана.
    27 йисан къене Азербайжандинни Эрменистандин арада кьиле фейи ислягьвилин рахунри герек тир нетижадал гъанач.
    2020-йисан 27-сентябрдиз экуьнин сятдин 6-даз эрменийрин яракьлу къуватри Азербайжандал вегьена. Абуру чIехи калибрдин яракьар, залан артиллерия чи чилерал туьшарна. Душмандин и ягъсузвилин вилик пад Азербайжандин яракьлу къуватри вахтунда кьуна. Абуру танкарин, ракетдин артиллериядин, авиациядин ва пилот авачир аппаратрин куьмекдалди душмандин рехъ атIана ва ам чи чилерай катиз мажбур хьана. 
    Са вацран къене Фуьзули, Жебраил, Зенгилан, Къубадлы шегьерар, гьа районрин гзаф хуьрер, цIудралди кьакьанлухар, гьабурукай яз Муровдагъ душмандин пацукай куьтягьай, анра Азербайжандин пайдах акIурай чи аскерри  къагьриманвилин цIийи тарих кхьизва. Абуру лугьуз тежедай хьтин гьунарар къалурзава.
    Чи кьушунрин агалкьунрикай чпихъ къалабулух акатай эрменийри виликан вахтара хьиз гилани дяведин къанунрив кьазвачир рекьерал гъил вегьенва. Абуру женгер физвай чкайривай гзаф яргъа авай шегьерар, абурун динж агьалияр артиллериядин чIехи тупарив ягъазва. Чи цIудралди шегьерриз бомбаяр вегьей душмандин фигълди вишералди кIвалер чукIурнава, хуьрериз зиян хьанва, динж агьалияр – кьуьзуьбур, дишегьлияр, аялар кьенва.
    Генже ва Берде шегьерар ракетдив ягъай чапхунчийрин макьсад Азербайжандин инфраструктурадиз зиян гун, адан агьалийрин рикIе кичI тун я. Ингье душманди са кар рикIелай алуднава: къе инсанар чпин чилер душмандин пацукай хкудун патал женгиниз экъечIнава. Са вацран къене кьиле фейи женгери 
дуьньядиз вичин жергейра чи республикадин вири халкьарин векилри къуллугъзавай Азербайжандин яракьлу къуватрин гуж къалурна. И гужунин себеб яз къе чи 4 район, 3 посёлок, 162 хуьр азад хьанва. 
    И четин йикъара республикадин вири халкьарин ва сияси къуватрин арада садвал арадиз атанва. Гьукуматдин къайгъударвал, халкьдин гегьенш къатарин таъсибкарвал себеб яз чи яракьлу къуватри халисан кьегьалвилин тарих кхьизва. 
    Къагьриманвилелди женг чIугвазвай, ватан, чил патал чеб цIуз вегьез кичIезвачир ихьтин аскерри виридак руьгь кутазва.
    Инсанрин рикIера мурадри цIирзава. Вирида дяве куьтягь хьана, чи чилер вахчурдалай кьулухъ 1 миллиондив агакьна инсанар чпин хайи кIвалериз куьч 
хъжедай, эрменийри чукIурнавай хуьрер, рекьер гунгьуна хутадай югъ вилив хуьзва. А югъ яргъал алач. Къарабагъ Азербайжан я!
 
Седакъет КЕРИМОВА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Санал кхьена Ürəklərdə yaşayacaq ЦIар амукьда Hörmət təcəssümü
Статьи из этой рубрики
Жегьилрин меркез Пара жезва Карчийри куьмек гуда Чешне яз къалурна ЧIехи хьанва
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ