Бахтавар я дидедин нек хъвайиди
Поэзия  |  4(341) 2020      
   Владик Батманов 1995-йисан 16-октябрдиз Мегьарамдхуьруьн райондин Хуьрелрин хуьре дидедиз хьана. Гьеле ДГУ-дин филологиядин факультетда кIелдайла Владик вичин ва лезги шаиррин шиирар хуралай фасагьатдиз кIелдай жегьил хьиз сейли хьанай.
   Сифте шиирар гьеле мектебда кIелдайла райондин «Самурдин сес» газетдиз акъатай В.Батманов «Билбил» ва «Чубарук» тIварар алаз чапдай акъуднавай шииррин ктабрин автор я.
   Яратмишунрин рекьяй вичихъ гзаф агалкьунар авай Владик гьеле университетда кIелдайла Дагъустан Республикадин кьилин стипендиант хьанай. Гуьгъуьнлай ам Дагъустандин халкьдин шаир Юсуп Хаппалаеван тIварунихъ галай премиядиз лайихлу хьана. 
   РФ-дин кхьирагрин кIватIалдик квай В.Батманова алай вахтунда Дагъустандин кхьирагрин кIватIалдин лезги хилез регьбервал гузва, гьакIни республикадин телевиденидин РГВК «Дагъустан» каналда «Вахтар ва инсанар» гунуг тухузва.
   Ам Махачкъалада яшамиш жезва.
 
Ви уьмуьрда гатфар хьурай зулузни
 
Ви уьмуьрда гатфар хьурай зулузни,
Къуй килиграй т1урфанар ваз яргъарай.
Кьисмет тахьуй пашманвал са ч1авузни,
Дат1ана ви гьайдиз гуда за гьарай.
 
КIанивили муг авунва рикIе зи,
Ви муьгьуьббат зи илгьамдин дестек я.
Гьар гьи кIвалах хьайитIани гъиле зи,
Куьмек ийиз аквадайди вун тек я.
 
Ви кIанивал багьа я заз гьамиша,
Иер мах хьиз, рикI ахъайдай кьиса хьиз.
Зун акурла катмир закай, саймиша,
Регъуьвал бес я ийизвай суса хьиз.
 
Ви хуьр галай патахъди зун элкъвена
Гьар йифизди физва ширин ахвариз.
Ви ашкъидин лепейра зун эхъвена,
На зи уьмуьр элкъуьрна шад сувариз.
 
Ви уьмуьрда гатфар хьурай зулузни,
Кас тахьурай кIур гудай ви гьиссериз.
За ийида дуьа йифиз, юкъузни
Вун гьамиша акун патал вилериз.
 
Итим яни ам?
 
Кlвалевай паб гатадайди,
Паб аял гваз тек тадайди,
Кьве мецелди рахадайди,
Итим яни ам?
 
Акъуддайди куьчейра йиф,
Кlандай вичиз вичин тариф,
Дишегьлидал гзаф зайиф,
Итим яни ам?
 
Гайи гаф гьич хуьн тийирди,
Кlвалах ийиз фин тийирди,
Писни хъсан чин тийирди,
Итим яни ам?
 
Вичин чаIрар ятIан рехи,
Кьадар течиз хъвазвайд ички,
Хъуьруьрдайди гъвечIи-чIехид,
Итим яни ам?
 
Санал тlуьр фу квадардайди,
Намус чилел гадардайди,
Жуван к1вализ зарардайди,
Итим яни ам?
 
Гзаф ава дидеяр
 
Гзаф ала и дуьньядал дидеяр,
Сада велед хуьда вичин къужахда.
Са «дидейри» чпин таза куьрпеяр
Туна катда кас авачир ятахда.
 
Гзаф ала и дуьньядал дидеяр,
Амма садни садаз ерли ухшар туш.
Са дидейри ялда даим «шелеяр»,
Садбуруз гьич веледдикай хабар туш.
 
Са дидейри гишин хьайи веледдиз
Фу гуда, лап капал тини ишинна.
Аялдал физ квелинда са дидедиз,
Гишила шехьзавай вичин кьепIина.
 
Бахтавар я дидедин нек хъвайиди,
Лай-лай ягъиз, насигьатар гайиди.
 
Диде начагъ хьайила
 
Касни вилиз ахквадач зи,
Диде начагъ хьайила.
Мез билбил хьиз рахадач зи,
Диде начагъ хьайила.
 
Зи вилерал акьалтда мичI,
РикIик чIехи акатда кичI,
Затlни фидач туьтуьнай гьич,
Диде начагъ хьайила.
 
Гегьенш дуьнья дар жеда заз,
Эхиз тежер кар жеда заз,
Дердерикай пар жеда заз,
Диде начагъ хьайила.
 
Са кар гъиляй хкведач зи,
Пер шадвилихъ элкъведач зи.
Ярдизни пlуз хъуьредач зи,
Диде начагъ хьайила.
 
Зарулвили  кьада зи туьд,
Аквада заз мичlиз экуьд,
Зи гатукай жеда хьи, кьуьд,
Диде начагъ хьайила.
 
Зи ван хьурай, я Ребби, ваз,
Къуй дидеяр сагъ акуй чаз!
 
Кьегьал хцел дамахда
 
Виш асирдин тарих авай лезги чил
Париждивай, Цюрихдивай эвез жеч.
Каинатда машгьур хьанвай лезги кьуьл
Тангодивни, румбадивни ерли къвеч.
 
Такабур Шагь, гужлу лекьер элкъвезвай,
Ви акунар, лагь, за квевди гекъигин?
Лезгиярни, шад-хурам яз къекъвезвай,
Лагь, азизбур, куьн за гьинал эцигин?
 
Инсаф течиз, даим къванер гатазвай
Самур вацIун аламатар чIехи я.
Вичин яшар виш асирда авазвай
Шалбуз дагъдин такабур кьил рехи я.
 
Тек алчахдаз Ватанд къадир чир жедач,
Хаин хцин кьеб хуьн тавуй дидеди.
Игитдикай багъри чилел пIир жеда,
Баркаллу хва хурал кьада дигеди.
 
Вичин уьмуьр бед ракъурда алчахда,
Хаин кьейи чка чир жеч кучукай.
Кьегьал хцел вири элди дамахда,
Цуькверинни гьамбар жеда сурукай.
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Хъимил Чавай къакъатна Лезги баде сейли хьанва Шаирар рекьидач
Статьи из этой рубрики
В поисках талантов Булахда яд ава СтIал Сулейманаз гуьмбет хкажна Лезги чIал кIанарзава Са маса тIям ава Ватандин чилихъ
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ