Чаравал
Эпитафия  |  2(339) 2020      
   И йикъара ван хьайи чIулав хабарди чи рикIер къарсурна. ТIвар-ван-авай журналист, Дагъустандин гьукуматдин телевиденидин «Вахтар ва инсанар» тIвар алай лезги гунуг тухузвай Исамудин Агьмедов чавай къакъатна.
   Исамудин Мирземегьамедан хва 1956-йисан 15-майдиз Дагъустан Республикадин Кьурагь райондин Урсун хуьре дидедиз хьана. Шимихуьруьн мектебда 8-синиф акьалтIарна вичин мурадрин гуьгъуьнаваз Дербентдиз рекье гьатна. Ина музыкадин училищеда чIагъандин синифда чирвилер къачуна. Кьурагьин музыкадин мектебда муаллимвал авуна, аскервиляй хтайла СтIал Сулейманан тIварунихъ галай Лезги Театрда кIвалахна. Вичихъ чIехи алакьунар авай жегьил гуьгъуьнлай Дербент шегьердин медениятдин кIвалин директорвиле тайинарна.
   1983-йисуз Магьачкъаладиз куьч хьайи Исамудин республикадин медениятдин училищеда кIвалахал акъвазна. Ара датIана чирвилерихъ ялзавай ам Дагъустандин Гьукуматдин Университетдин филологиядин факультетдик экечIна, ина заочныдаказ кIелна. 
   ЧIагъандай суьгьуьрлу ванер акъуд­завай пешекар сеняткар хьиз вири Дагъустандиз сейли хьайи Исамудин 1990-йисуз Дагъустандин Гьукуматдин Телерадиодин кьилевайбурун тIалабуналди инин халкьдин инструментрин ансамблдин регьбервиле тайинарна. 1993-йисуз И.Агьмедоваз музыкадин программайрин редакторвал теклифна. Гзаф йисара чи халкьдин сейли манидар Асеф Мегьмана регьбервал гайи и программа ам пенсиядиз экъечIунихъди акъвазнавай. 
   1995-йисуз И.Агьмедоваз «Дагъустан Республикадин лайихлу артист» тIвар гана. 2000-йисуз Россиядин Иваново шегьерда «Ягъ, чIагъан» тIвар алаз кьиле фейи Вирироссиядин  конкурсда сад лагьай чка кьур лезгидин – Исамудин Агьмедован суракьар вириниз чкIана. РФ-дин сад лагьай каналдай адан  чIагъандал 
ягъун акур ватанэгьлийрин хвешивилин и кьил а кьил авачир. Россиядин цIудралди пешекарри Исамудин зурба сеняткар тирди хиве кьунай.
   2006-йисалай Исамудин Агьмедова вичин алакьунар журналистикадин рекьяйни къалуриз эгечIна. Дагъустандин телевиденидиз цIийи нефес гъайи ам чи халкьдин гьалар, адан ацукьун-къа­рагъун килигзавайбурув агакьариз алахъна. Интернет себеб яз «Вахтар ва инсанар» гунуг дуьньядин чара-чара уьлквейра яшамиш жезвай лезгийрин кIвалерин рикI алай мугьмандиз элкъвенва. И гунугдин кьетIенвилерикай сад ам арадал гъизвай кас вич сеняткар хьунухь тир. Адаз 
дуьнья иер рангаринди, инсанар къени къилихринди яз аквадай алакьун авай.
   Вичихъ иер суй авай и кьакьан буйдин, тIарам тандин, экуь вилерин касдихъ авай виридалайни чIехи алакьун лагьайтIа, хъсан ихтилатар авун тир. Адалай инсанар рахурун хьиз, абурухъ яб акалунни алакьдай. Гьавиляй «Вахтар ва инсанар» вилив хуьдай гзафбуру.
   Исамудин Агьмедован экуь къамат ам чидайбурун рикIера гьамишалух яз амукьда. Аллагьди рагьмет авурай!
 
«САМУР»

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЛЕЗГИ ЧIАЛАЛ САД ЛАГЬАЙ ФИЛЬМ DİLÇİLİK ELMİNƏ TÖHFƏ РИКIЕЛАЙ ТЕФИР МЯРЕКАТ “SOYUQ GÜNƏŞ" EKRANLARA ÇIXIR
Статьи из этой рубрики
Хожалыдин сед Bağışla bizi, Çingiz! РикIелай тефир камалэгьли Кьакьанрихъ ялна Чавай къакъатна
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ