И йикъара Бакудин ктабрин меркезда Азербайжандин халкьдин художник Ариф Гьуьсейнован «Къарабагънаме. Тарихдин чинар» тIвар ганвай ктаб-альбомдин презентация кьиле фена. Ада лагьайвал, алай девирда Къарабагъдикай гзаф марагълу ктабар чапдай акъудзава. И ктаб-альбомди лагьайтIа, кIелдайбуруз Къарабагъдикай генани гзаф чирвилер гуда. Вучиз лагьайтIа Къарабагъдикай тарихдин делилар куьрелди ганва ва абур шикилралди тамамарнава. Ктабда Къарабагъдин сейли ксарикай макъалаяр ва абурун портретарни гьатнава. Ина Хожалыдин геноциддиз талукьарнавай композициярни ава.

   Кьве чIалал – азербайжан ва ингилис чIаларал акъуднавай ктабдин презентация мукьвал вахтара къецепатан уьлквейрани кьиле тухуда.