ЛЕЗГИ ЧIАЛАЛ САД ЛАГЬАЙ ФИЛЬМ
“Къайи рагъ” экранриз акъатзава! Харусенят  |  2(339) 2020      
   Дуьньядин лезгийри фадлай вилив хуьзвай “Къайи рагъ» фильм гьазур хьанва. Сифте яз кьве чIалал - лезги ва азербайжан чIаларал чIугунвай и кьве сятдин фильм арадиз гъун патал зегьмет чIугур инсанрин хвешивилин и кьил-а кьил авач. Лезги халкьдин ацукьун-къарагъуниз, адан руьгьдин кьетIенвилериз талукьарнавай и фильм алай йисан 16-мартдиз (азербайжан чIалал) ва 17-мартдиз (лезги чIалал) Бакудин Низами кино-театрда къалурда. Идалай гъейри фильмдин урус чIалал субтитрралди туькIуьрнавай  лезги вариантни арадиз гъанва.
   Сценарий кхьенвайди Седакъет Керимова, режиссер Элшен Зейналлы, оператор Элхан Рустамов тир, ролар Азербайжандин тIвар-ван авай актерри тамамарзавай фильмдин гзаф кадрияр КцIар райондин Яргун хуьре чIугунвайди я. Ролар лезгидалди рахурайбур Элвина Гьейдарова, Наил Шихкеримов, Менсуре Хийирова, Къурхмаз Хезеров, Роза Гьажимурадова, Жавид Тагьиров, Зекера Захаров, Севда Азизова, Мегьбубе Агъаева, Гуьлнара Къараханова, Анна Гьасанбекова, Элмара Гьажикеримова, Шамил Аликъулиев,  Багъир Нурмамедов, Эдвиг Гьасанов, Улдуз Халилова, Севда Нуралиева, Муьзеффер Меликмамедов, Омар Нежефов я. Фильмдин продюсер Седакъет Керимова я. “Сувар” ансамблдин маничийрини макьамчийри фильмдик зурба пай кутунва. Элвина Гьейдаровади лугьузвай манидини Заур Мусаева кфилдал ягъизвай макьамди адаз кьетIенвал гъанва. 
   Агъадихъ чна кIелдайбуруз фильм гьикI арадиз гъанатIа, и кардик ни къуьн кутунатIа ихтилатзава.
 
   Къад йис инлай вилик кхьей «Къайи рагъ» пьеса  КцIарин ва Дербентдин лезги театрри сегьнедал эцигнач. Эхирни фильм чIугун къетIна за. Фильм патал сценарий туькIуьрна, актеррихъ гелкъвена. Гелкъвена гьарада вичиз кIандай сценарий кхьиз туна зав. Эхирдай туьквенач чун. Элшен Зейналлы цIусад лагьайди тир.  Сценарий кIелай ада муькуь юкъуз лагьана:
   - Сценарийди заз гзаф таъсирна. Идакай зурба са фильм чIугваз жеда. 
   Фильмдикай веревирдер авур чна 40 югъ адан гьазурвилериз серф авуна. Гьазурвилер садни-кьвед тир кьван? Сценарийдин винел кIвалахзавай, кастингар авуна актерар хкязавай, костюмар жагъурзавай. Гьа са вахтунда фильмдин музыкадин винелни кIвалахзавай. Гьар гьафте КцIариз хъфена, Яргундал фильмдин объектарни тайинарзавай. Алатай вишйисара эцигнавай кIвалерихъ гелкъвезвай. Дилшад Аллагьвердиевадин  бубадин кIвал Яргунатан, вичин кIвал Усманан, Нямет Жавадован кIвал Ярметан кIвал хьиз фикирда кьунвай за. Жуван фикир Дилшад халадиз лагьайла, ада заз атIай жаваб гана: «Ваз ваъ лугьуз жедани?»
Нямет Жавадован кIвале гьам кадрияр чIугвазвай, гьамни йикъа пудра фу незвай. 
   Фильм чIугвазвай группа амукьдай кIвал чав хуьруьн тIвар-ван авай агъсакъал, вичи Ватандин ЧIехи дяведа кьегьалвилер къалурай,  гзафни-гзаф савадлу инсан тир Къайитмаз Бачарован хва Зиядхана вугана. 
   За жувахъ галаз «Самур» газетдин кIвалахдар Айнур Наврузбеговани хуьруьз тухванвай. ЭрчIи гъил тир ам зи. Чун гьар юкъуз экуьнин сятдин 6-даз КцIарай Яргундал физвай, гьар йифиз сятдин 11-12-даз хквезвай. Фильм чIугвазвай кIвалер туькIуьрун, абур михьна, аниз герек тир затIар ялунни чи хиве авай. Яргундал, Мучугъа, Пиралдал, Ясабдал кIвалба-кIвал къекъвена чна герек тир пекер, кIвалин аваданлухар кIватIзавай. Хуьруьнбуру рикIин сидкьидай куьмек гузвай чаз. 
   Гьамида Рустамовадин и фильмдик са масакIа рикI кузвай.  40 юкъуз ада вири группадиз дидевалнай. И чина хъвер авай къени дишегьлидин гъилер къизил тир. Ада чрай хуьрекрикайни верцIи ихтилатрикай  тух жезвачир чун.  Ингье вахтсуз ажалди къакъудна ам чавай. Аллагьди рагьмет авурай!
   Маил  Бабахановал – Яргун хуьруьн юкьван мектебдин и муаллимдал чна гьар са карда меслят гъизвай. Ада фильмда комиссардин ролни хъсандиз къугъванай. Вич регьбер тир Х синифдин аялар Магьият Феремезовади, За-мира Сеферовади, Нергиз Ис-кендеровади, Диана Мамедхановади,  Сабина Мегьдиевади, Телман Къадимова, Айдын Тагьирова, Мердан Алимова адан меслятдалди чаз куьмек ганай.
   Афгъан Искендеров чи устIарни тир, шоферни, актерни. Вуч герек хьайитIа, вири гьадан ракIарихъ физвай. И ватанперес касди фильм чIугун гьикьван залан кIвалах ятIа чиз, гъиляй къведай вири жуьредин куьмекар авунай чаз. Алена Исакьовади кIвалер туькIуьрдайла чаз пара куьмек гана.  Чун кьвед агъдин пек-пиле къайдадиз гъун патал сятралди гъиле раб кьуна ацукьдай. 
   Незифе Къафланова – Мучугъ хуьруьн юкьван мектебдин и муаллимдихъ галаз санал чна гзаф кIвалерай герек тир пек-пиле, халичаяр, кIвалин аваданлухар кIватIнай. Вичин вах Алиме Новрузовадихъ галаз санал фильмда роларни тамамарнай ада.
   Урфан Эшрефова – и кIурви кьегьалди балкIанар хуьзвайди ван хьайила зун гьа хуьруьз фенай. И къени къилихрин гъил заха инсан алай-алайдал туна балкIандал алаз захъ галаз Яргундал атанай. Фильм чIугуна куьтягьдалди са шумудра ада и рехъ атIанай.
   Къейседдин Жаферова захавилелди вичин кIвалин гъенел дем туькIуьрдай рухсат ганай чаз. 
   Межведдин ва Гуьлнара Гьажиметоври хушдаказ чпин кIвале кадрияр чIугвадай къулайвилер туькIуьрнай чаз.
   Бажи Юркъулиева, Эсбет Исакъова, Рефикъе Аллагьвердиева, Афаг Алимова, Регьиле Къиримханова, Элза Искендерова,  Бести Кьасимова, Багъдад Халилова, Ругьийе Сергьедова, Марям Къиримханова, Къешенг Къиримханова, Флора Шефиева, Феркъане Пиркъулиева, Гьукума Регьимханова, Саида Къиримханова, Гьукума Салагьова Бажи Бабаева хьтин дишегьлийрин чахъ гзаф рикI канай. Бажи Юркъулиевади фад-фад афарар, цкIенар чраз чун илифардай.
    Хуьруьн муаллимрикай Тофик Амрагьова, Вакъиф ва Алия Амрагьоври,  муаллимрикай  Гуьлзар ва Гьа-жибала Бабахановри, Сара Шихкеримовади, Зарема Феремезовади, Лена Рефиевади чаз мукьувай куьмек ганай.
   Агъамурад Бегов, Мугьасиб Керимов, Сеидали Бабаханов, Володя Юркъулиев хьтин агъсакъалар рикI алаз чав агатуни руьгь кутунай чахъ. Этибар Бабаханова, Незер Халиловаа, Рамик Велиханова, Решадет Бабаханова, Сурхай Рефиханова, Самир Къиримханова, Къазихан Севзиханова, Ариф Рамазанова, Айлар Рамазанова, Бабек Ма-медова, Решид Юркъулиева ва масабуру филмдик чпин пай кутуна.
   Абдулсамед Юркъулиева Москвадай, Гулара Бутаевади,  Жаббар Керимова, Шагьин Юркъулиева ва Элмира Феремезовади Бакудай атана чаз куьмек гана.
   Жаббар Керимовани Шагьин Юркъулиева чаз гзаф йикъара зурба куьмек къалурнай. Абуру гьакIни дуьшуьшдин роларни тамамарнай.
   Фильм арадиз гъайибуру гайи куьмекдай Малик Керимоваз, Алик Керимоваз ва Муьбариз Азизоваз кьилди разивал къалурзава.
 
Седакъет Керимова

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Чаравал РИКIЕЛАЙ ТЕФИР МЯРЕКАТ DİLÇİLİK ELMİNƏ TÖHFƏ QUSARLI USTANIN ƏSƏRİ
Статьи из этой рубрики
«Сувар» ансамблдин 20 йис! Решадан шегьре рехъ Розадин мурад Festivalda ləzgi musiqi səsləndi “Шарвили” эпосдин сувар
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ