Дагъустан Респуб­ликадин кьил Влади­мир Васильеван тек­-

лиф­­­­далди ина «100 мектеб» тIвар ганвай прог­рамма кардик кутунва. И программадив кьадайвал, чара-чара районра дуьньядин стандартрив кьадай мектебар эцигзава.

   Гила и кардив вилик-кьилик квай карчиярни эгечIзава. Абуру хуьрера мектебар эцигзавай гьукуматдин тешкилатриз санал кIвалахун теклифнава. Республикадин гьукуматдихъ гзаф мумкинвилер авачирвиляй и теклиф кьиле авайбурун рикIяй хьанва. Чпин хуьрерин таъсиб чIугвазвай карчийри гьукуматдихъ галаз санал кIвалахна адаз куьмекар гайитIа, алатай асирдин 40-50-йисара эцигнавай вири мектебар цIийибурув эвез ийиз жеда. Сифте яз ихьтин теклиф ганвайди Санкт-Петербургдин «Коломяги-Ретро» эцигунрин компанидин кьил, машгьур лезги инженер Зураб Шайдаев я.