"Самурдин мектеб" | 9(335) 2019
КцIар райондин 3 - нумрадин юкьван мектебда кIелзавай кьве вахакай – Гуьнел ва Лейла Сайдумовайрикай вири разивилелди рахада. VII ва IV синифра кIелзавай Гуьнеланни Лейладин алакьунар тек са чпин тарсар хъсандиз чирун туш.
Гуьнелан пианинодал гзаф рикI ала. Икьван гагьди ада музыкадин рекьяй вегьей камар рикI ахъайдайбур я. КцIара, Къубада, Хачмаза, гьакIни Бакуда кьиле фейи конкурсра ада са шумудра сад лагьай чка кьунва. Алатай йисуз Бакуда тухвай конкурсда кьвед лагьай чкадиз лайихлу хьайи Гуьнел руьгьдай аватнач, акси яз, виликай къвезмай акъажунриз ам генани хъсандиз гьазур жезва.
ГъвечIи вахан алакьунар шагьматдай я. Амни са шумудра акъажунра уфтан хьанва. Вичи хъсан нетижаяр къазанмишнай Лейла мукьвара Бакуда кьиле фена кIанзавай турнирдиз гьазур жезва.
ЧIехи хьайила программист жез кIанзавай Гуьнелан тортар, пирогар чрунал, духтур хьун вичин мурад тир Лейладин лагьайтIа, шикилар чIугунал рикI ала. Абуруз лезги чIалан тарсар иллаки пара кIанда. Чпин лезги чIалан муаллим Роза Мамедбеговадалди дамахда рушари.
Анна ГЬАСАНБЕКОВА
Скачать PDF
Комментарии к статье
Оставить комментарий