Чи уьмуьр регъв ятIа...
Поэзия  |  9(335) 2019      
 Теране Оружова-Керимова  КцIар райондин Пирал хуьре дидедиз хьана. Урусатдин Тула шегьерда медицинадин  чирвилер къачур ада Москвадин чара-чара азарханайра кIвалахна ва алай чIавузни и кар давамарзава.
Мектебда кIелдай йисара азербайжан, гуьгъуьнай урус чIаларал шиирар кхьей адан хайи чIалал гзаф рикI ала.  И кIанивили ам Москвада лезгийрин медениятдин меркезда лезги чIалан грамматика чируниз мажбурна. Теранеди гила дидед чIалал шиирар кхьизва. Адан шиирар газетрин, журналрин, альманахрин чинриз акъатзава.
  Хайи ватандални хайи чилел ашукьвал, кIанивилин гьиссер, дидед чIалаз икрам авун, ам кIанарун - адан поэзиядин кьилин мотивар я.
 
 
УЬМУЬР
 
Чи уьмуьр - ажайиб махарин ктаб,
Белкини ам ятIа кьиляй-кьилиз таб?
Гагь руьгьдиз кинарда, гагь  гуда азаб…
Секинвал тадач жал  рикIера яраб?
 
Чи уьмуьр рух  ятIа  чкIанвай канаб,
Йисарин гелери авунвай кабаб…
Ни  рапар кутазва, епер  хкудиз,
Гъамарин гишир тваз,  шадвал акъудиз?
 
Чи уьмуьр белки я  къуьруь  са мукIратI,
Юкьвалай кIар-кIардай  гъилевай таратI,
 Шуьткьуьрна гатфарин атир квай цуьквер,   
Хъипи пешерикай хкатIдай  пекер?
 
Чи уьмуьр регъв ятIа, акъваз тавуна 
Чун регъвез, ахпани твазвай сафуна,
Авай  са къайдада  датIана кьечIез,
Кепекар гъуьредик какахьиз  кичIез?!
 
 
КЬВЕДАЗ СА КЬИСМЕТ
 
Лацу  шемин юкьва сузадава гъал,
Агь чIугваз цIурзава, агакьзавач ял:
 
- Вуч тиртIа  зи гунагь, вуч ятIа тахсир,
Зун мили памбаг тир - тIебиатдин сир.
 
Вучиз  чан аламаз, сура тунват1а,
Шеминив  кьуд патай вучиз кьунватIа?
Ингье цIай ягъанва, чIух жез ава зун,
Гьатнава зи чанда кичIерар, юзун.
 
- Яб це заз, секин хьухь,  кьамир вуна къал,
И шемни шехьзава вичин кьисметдал.
 
Зазни  амач гудай  теселлияр ваз,
Кьведаз са дерт ят1а  амукьнавай чаз?
 
Вун хаму  суна тир, чуьллерин  ценел,
Зун хару мулдин цуьк, бубадин гъилел… 
 
Бахтавар,  вун кузва навар какахьиз,
Амма зун - цIай квачиз, гумар алахьиз...
 
ГЬИЖРАНДИН ДУВАН
 
Мадни зи  ахварар  квахьнавай йифиз,
Гагь  мекьи жез хьана, гагьни къекъифиз.
Гъапунив  дакIаррал  нурар алахиз,
ЦIайлапан къугъвазвай, кичI гуз  алахъиз…
 
Юргъар тIвалар-тIвалар авахьиз къавал,
Зи руьгьдин кIусара  акъудзава къал.
Агьузар ала къе   чилелни цавал,
Вучиз алатнава  къув  жанавурдал?
 
Сефил са типIрен ван къвезва яргъарай,
Вучиз атIанватIа мад адан кьарай?
Саки садани зи    ишинзава чан,
Руьгь, гъвар квай тини хьиз дакIвазва яман…
 
Эхир йиф акъатна,  алукьзава яр,
Вучиз мад  къвезватIа ял  тежер парар?
Гила секин хьанва кьуд патавай  ван,
Амма эхиз жезвач гьижрандин дуван..
Лекьрен дамах
 
Гьайбат гуз,  юзуриз лувар цавара,
Дагълариз гецифай ракъин нурара,
ЦIакIулри рапрапиз иер  наварай,
Бахтлудиз агатна рагарив мукьвал,
 
Явашдиз ацукьна лекь вичин муквал.
Гьатнава къе  сувар  мягькем ванера,
Элькъвена хквезвай - акьаз къванера.
Вич тирди иеси чириз синера.
 
КIватIзава шарагар лап  вичин къвалал,-
Явашдиз ацукьна лекь вичин муквал.
Пагь, им вуч  гуьрчегвал, килигдай чка, -
Дамах гваз секин хьун  лекь вичин муква!
 
 
МАДНИ ЗУЛ…      
   
Ингье, зул атанва нурар чукуриз,
Зи чандиз гъамарин  навар чукIуриз.
Марфар алахънава къавар  кукIвариз,
Цифер шаршав  хьанва   хайи сувариз.
 
Гила байихзава ялай кьван парар,
Са танди эхнавай саврухар, гарар…
Чанда фул гьатнава кьулухъ килигиз,-
Алатай гатфарриз саки хиял хьиз.
 
Акуна вилериз жуьреба крар -
Адалат, я къадир чидачир ксар,
Вучиз бес лук1 хьана амукьнат1а зун,
Вучиз чIанавили кутуна зурзун?..
 
Ингье, зул атанва нурар чукуриз,
Зи чандиз  гъамарин навар чукIуриз.
РикI хура ргазва пехъи вулкан хьиз,
Руьгьдин къатарилай  ц1аяр  алахиз…
Теране ОРУЖОВА-КЕРИМОВА
 
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я «Самур» газет Эльбрусдин кукIушдал СтIал Сулейманаз икрамна Куьреда сувар Санал кхьини муькъвер туькIуьрна
Статьи из этой рубрики
В поисках талантов Булахда яд ава СтIал Сулейманаз гуьмбет хкажна Лезги чIал кIанарзава Са маса тIям ава Ватандин чилихъ
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ