ХЪСАН КIВАЛАХАР
ЧЕШНЕ КЪАЧУ! Чешне къачу!  |  8(334) 2019      

 Дагъустан Республикада СтIал Сулейманан райондин 90 йисан юбилейдиз гегьеншдиз гьазурвилер аквазва. И кардихъ авсиятда «Райондин юбилейдиз 90 хъсан кIвалах» гьерекатдихъ кьил кутунва. Гьерекатдин макьсад райондин агьалияр гуьгьуьллудаказ абадвилин крарив агудун я.

      Алай вахтунда райондин мумкинвилер авай ксари чпин такьатралди ина гзаф хъсан кIвалахар кьилиз акъудзава: инфраструктура вилик тухузва, рекьер гуьнгуьна хутаз асфальт ягъазва, мектебар, бахчаяр, спортдин комплексар, музеяр, гуьмбетар эцигзава. Ихьтин хийирлу крарихъ къуьн кутазвайбурун кьадар къвердавай пара жезва.

    Хъсан кIвалахралди чешне къалурзавайбурукай гаф кватайла вирида кIвенкIве Яралиеврин хизандин тIвар кьада. И хизанди гьакъисагъвилелди чIугур зегьметдин нетижа яз гьар йисуз лезги халкьдин «Шарвили» эпосдин югъ къейд авун адетдиз элкъвенва. Гила вири республикадиз и кар сувар хьиз сейли хьанва. Яралиеврин хизанди чпин такьатралди Вини СтIал хуьруьн рехъ ва мискIин гуьнгуьна хтуна, ина Алкьвадар Гьасан эфендидин музей эцигна, парк кутуна, Кьасумхуьруьн цIийи поселокда аллея арадал гъана, Дербент шегьерда СтIал Сулейманан гуьмбет хкажна. Хизанди гьакIни спортсменриз куьмек гузва ва маса хийирлу крар кьилиз акъудзава.
     Алай вахтунда Яралиеврин хизанди СтIал Сулейманан райондин КIварчагърин хуьре дуьньядин стандартрив кьадай чIехи спортдин комплекс эцигзава. Комплекс йисан эхирдалди кардик кутада. Исятда ина крар тамамарзава. «Ричал» минералдин ятарин заводди иниз 4 километр кьван яргъай гунгарра аваз яд гъанва. И ци гьакIни КIварчагърин хуьр таъминарда.
     Спорткомплексдин проект-сметадин къимет 60 миллион манат я.
Эцигунар кьилиз акъатайла ина жуьреба-жуьре акъажунар тухуда. Чкадин агьалийривай адакай гегьеншдиз менфят къачуз жеда. Авайвал лагьайтIа, 5 агъзур агьалияр яшамиш жезвай КIварчагъ дередин 4 мектебдикай 3 чкIидай гьалда ава. Мектебра спортзалар авач. ЦIийи технологиядив эцигзавай комплексди и мектебрин аялризни къуллугъда. Ина чIехи зал, кьуршахар кьадай ва бокс къугъвадай залар, кьилди машгъул хьун паталди утагъар, тренеррин утагъ, пекер дегишардай, эхъведай чкаяр ва маса утагъар ава. Спорткомплексдик футбол ва баскетбол къугъвадай майданар, катдай рехъ ва спортдин маса хилерив машгъул жедай чкаярни акатзава. Комплексди къунши хуьрерин агьалийризни къуллугъда. 
                                                                                                                                                                                                                              Рая АЛЛАГЬВЕРДИЕВА,
                                                                                                                                                                                 Дагъустан Республикадин СтIал Сулейманан район

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И ЧИЛ ХАЙИ ДИГЕ Я ТАРИХДИЗ ЭЛКЪВЕНА QUBA QƏZASINDA ANTİSOVET ÇIXIŞLARI ЖЕГЬИЛРИН МЯРЕКАТ ЯРКОГО ВЗЛЕТА, АЙНЕЛЬ!
Статьи из этой рубрики
Кьегьал Илмаран кьегьалвал ZEYXUR AKADEMİYASI Жуван халкьдиз вафалу жен Дидедин фу
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ