Azərbaycanın tanınmış şairi və jurnalisti Əbülfət Mədətoğlu  1959-cu ildə Dağlıq Qarabağın Xocavənd rayonunun Tuğ kəndində anadan olmuşdur. Burada orta məktəbi bitirdikdən sonra Azərbaycan Dövlət Universitetinin tarix fakültəsində təhsil almışdır.

     “Araz”, “Qarabağ” və “Azərbaycan ordusu” qəzetlərində çalışmışdır. Hazırda “Ədalət” qəzetinin baş redaktorunun müavinidir. Jurnalistika sahəsindəki uğurlarına görə Azərbaycan Respublikası Prezidentinin sərəncamı ilə 2010-cu ildə ona “Əməkdar jurnalist” fəxri adı verilmişdir. Çapdan çıxmış “Səməni nəğməsi”, “Nilufər çiçəyi”, “Dərdini danışan adam”, “Nişanə”, “Ehtiyacın elçi daşı”, “Döymək istədiyim qapılar”, “Allah, məni unut­ma”, “Ürəyimdəki sənsən”, “Yanan məktub”,”Ağacların şarkısını yapraklar okuyor”, “Hər görüş bir ümiddir”, “Sevgi pıçıltıları”, “Yanan məktublar”, “Mənim kimi sevə bilsən”, “Gözləyənim var”,  “Ürəyim sənlə danışır” adlı şeir kitablarının müəllifidir.  Bundan başqa “Qəhrəman İbad”, “Zəhmli polkovnik”, “Üfüqdə görünən adam” sənədli povestləri də işıq üzü görüb. Yazdığı şeirlərə tanınmış bəstəkar Razim Paşayev mahnılar bəstələyib.

 

Əbülfət MƏDƏTOĞIU