O, vətəninə, doğma xalqına, ana dilinə sev­gisi ilə seçilən nəcib və xeyirxah ziyalılardan idi. Yaxşı alim, sabitqədəm və dəyanətli insan, nümunəvi vətəndaş idi. Hə­sənağa Sərdarovu tanıyanlar onu həmişə belə xa­tırlayır.

     1943-cü ilin dekabrın 12-də Qusar ra­yo­nunun Gədəzeyxur kəndində müəllim ailəsində həyata göz açmış, 2018-ci ilin mart ayında dünyasını dəyişmiş Həsənağa Əhmədkərim oğlu Sərdarov uzun illər Bakı Politexnik Texnikumunda, Texniki Universitetdə, Da­ğıs­tan Respublikasının Dərbənd şəhərindəki uni­versitetlərdə müəllim işləmişdi. Bakıda ol­duğu kimi, Dərbənddə də elmi axtarışlarını da­vam etdirən H.Sərdarov burada böyük nüfüz qa­zanmışdı. Qonşu respublikada onun iki dərsliyi və beş monoqrafiyası işıq üzü gördü. O, ilk dəfə olaraq, ləzgi və rus dillərində texniki terminlərdən ibarət lüğət tərtib edərək çapdan buraxdırdı. 

     Doğma dilin təəssübkeşi olan Həsənağa müəllim “Nəslimizin tarixi” və ləzgicə-rusca “Ləzgi xalqının misalları” adlı kitabları da özündən yadigar qoydu.

     Beş oğul atası olan Həsənağa müəllimin övladları da vətənə sədaqətlə xidmət edir. Böyük oğlu Kə­rim Sərdarov pol­kovnik rüt­bə­s­i­­nədək yük­sə­lib. Hazırda Azər­bay­can Res­pub­li­kası Müdafiə Na­zir­li­yi­nin Hər­bi Dəniz Qüv­­və­­lərinin Tibb Xid­­­mət rəisi və­zi­­­fəsində ça­lışır. Onun kiçik qar­­daşı, Dağ­lıq Qa­ra­­bağda ge­dən dö­yüş­lərdə fərqlənən Rə­him 1992-ci il­də Ağ­dərə vu­ruş­ma­sın­da ağır ya­ra­la­nıb.

     Bu günlərdə Ba­­kıda alimin doğ­ma­larının, dost­ları­nın, tanınmış elm adam­larının ürək sözlərindən ibarət “Həsənağa Sərdarov haqqında xatirələr” kitabı çapdan buraxılıb. Kitabın məsləhətçisi AMEA Fəlsəfə İnstitutunun aparıcı elmi işçisi, siyasi elmlər üzrə fəlsəfə doktoru Məmmədağa Sərdarov, redaktoru elmi işçi Xanım Rzazadədir. 

 

«SAMUR»