Хъсан дуст
Мах  |  5(331) 2019      
     Иер лацу каруди цава цIиргъина авай цифериз килигзавай. Адаз и циферихъ акахьиз, ракъини хъичIирзавай нурарихъ галаз санал тамаринни вирерин кьилел лув гуз кIанзавай. Ингье мад ихьтин кефер гъиле гьат хъийидатIа лугьуз хияларзавай ада. Ам инсанди къефесда тунвай. Азадвилихъ галаз санал адан уьмуьрдин дадни квахьнавай. Карудин йикъар гьа икI, сугъул яз алатзавай.  Адан дакIардин вилик чIулав пехъ ацукьдалди…
     Пехъ акур карудиз кIвенкIве кичIе хьана. Пехърени вилер атIумарна ам авай къефесдиз килигзавай. 
     - Вун вучиз кIеве тун­вайди я? – жузуна пех­ре.
     - Инсандин захавилел алцур хьана са капаш къулуьнихъ азадвал квадарна за жуван.
     - Завай ваз вучтин куьмек гуз жеда?
     - Цавухъ гъарикI хьан­ва зун. Заз адакай их­тилат ая ман. Гьикьван чIав я заз цавар такваз.
     Карудин язух атай пехъре вичиз акурбурухъ такурбурни гилигна адаз ихтилатна. Вилер мичIна пехърехъ яб акалзавай карудиз вичи цавара лув гуз, цифера сирнавзавай хьиз жезвай. 
     Пехърехъ лагьайтIа, вичин таб алай ванцихъ яб акалзавайди авайвиляй генани гьевес акатзавай. 
     Вахт акьван фад алатна хьи, югъ мус няни хьанатIани байихнач абуру. Пехъ кIвачин хьана. Карудиз ам хъфена кIанзавачир. Гьавиляй пехъре вич пака мад хкведа лагьана гаф гана. 
     Гьа икI, пехъре гьар юкъуз карудин кьилив физ вичиз акурбурукай рахаз хьана. Вич къуншидин гадади ягъай кьисадикай, вичи кицIин сивяй кIараб къакъудна катуникай, лекьре са кIел кьуна рагал алай вичин шарагриз тухуникай гафарна пехъре карудиз. Пехъ рахунивай карудин кефияр чIур жезвай. Адаз и крар вичин вилералди акваз кIанзавай.  Ингье им кьилиз тефир мурад тир... 
     Шумудни садра пехъ кару къефесдай акъудиз алахънай. Ингье ракьун тIвалар сад-садавай къа­къудиз жезвачир. ГьакI ятIани, пехъре датIана вичин дуст кIеверай акъудуникай фагьумзавай.
     Югъ цIийиз ахъа хьанвай. Каруди дакIардилай вил алудзавачир. Фадлай атана кIанзавай пехърекай са хабар авачир. Югъ няни хьунивай карудихъ къалабулух акатзавай. «Са бахтсуз кару ава лугьуз пехъре вучрай? Гьикьван къвез хъфирай? Эгь, авай са дустунини зун атIайтIа вучда?» Гьа ихьтин фикирри секинвал гузвачир карудиз.
     Садлагьана карудиз дакIардай чIулав циф акуна. Им адетдин циф тушир. Вичел нуькIер, пехъер, каруяр, керекулар, типIер алай цифедин и кьил а кьил аквазвачир. Абуру кару авай кIвалин дакIардин вилик лув гуз гатIунна. Cадбур лагьайтIа, дакIардай къенез гьахьна. Карудиз абурун арада вичин дуст пехъни аваз акуна хвеши хьана: 
     - Заз вун мад хкведачир хьиз хьанай, - лагьана вилерал хъвер акьалтай каруди.
     - Дуст кIевера аваз рикIивай эхиз женни? Тамун нуькIер вири кIватI­далди югъ няни хьана.
     Садлагьана гьатай ванерикай кичIе хьайи кIвалин иеси кару авай кIвализ гьахьна. Аламатдин кар акур касдин пагь атIана. 
     ТипIерни пехъер чпин тапацрив ракьун къефес ахъайиз алахъзавай. КIвалин иеси абур чукуриз алахъна. И чIавуз пехърен кIеретI касдин чандал гьавалат хьана. Адани гъиле вуч гьатайтIа цIакулар алайбурал гьалчзавай. Вегьедай затIар куьтягь хьайила касдин гъиле къефес гьатна. Цла акьур къефесдин кIан хкатна, каруди анай лув гана. Къушариз кIанзавайдини гьа и кар тир. Вил мичIна ахъайдалди абур вири сад хьиз нуькIни цIуьк хьана квахьна. Кару лув гана кьакьанриз акъатна. Ам цаварикай, гьавадикай, вилериз аквазвай иервилерикай тух жезвачир.
     Карудиз цIийи кьилелай азадвилин верцIивал чир хъжезвай. Адаз и азадвал бахш авурди пехъ тир. Садазни кIани тушир, вирида вичикай ягъанатзавай чIулав пехъ. На лугьумир, ам виридалайни хъсан дуст я кьван.
 
АЗИЗРИН Севда

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Шарвилиди эверда Лезги чIалан югъ Ləzgi musiqisi və poeziyası gecəsi Мураддив агакьрай
Статьи из этой рубрики
Хъсанвилиз писвал Жив такур гъед Гатфар ЦIийи рагъ Дидеяр
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ