Барка | 5(331) 2019
И йикъара Дагъустандин Зарийрин КIватIалди лезгийрин тIвар-ван авай шаир, цIудралди шииратдинни гьикаятдин ктабрин автор, филологиядин илимрин доктор Фейзудин Нагъиеван «Абулейсан марф» ктаб Дагъустандин Гьукуматдин премия гун патал къалурнава.
Фейзудин Нагъиев хъсан шаир хьиз, хъсан алимни я. Чара-чара чапханайри адан шумудни са монографияр ва илимдин макъалаяр басма авунва. Адан яратмишунар Дагъустандин юкьван мектебра ва институтра чирзава. Шаирдин эсеррикай са шумуд диссертацияни кхьенва.
Дагъустан Республикадин медениятдин лайихлу кIалахдар тир Фейзудин Нагъиева хайи халкьдиз гьакъисагъвилелди къуллугъ авунай «Шарвили» премия къачунва. Ам гьакIни «Къизил лекь» ва машгьур чIалан алим Мегьамед Гьажиеван тIварунихъ галай премийриз лайихлу хьанва. 2012-йисуз Россиядин Артиададин Комитетди талукь министерствойрихъ галаз санал Ф.Нагъиеваз къизил медаль ва «Россиядин халкьарин Артиададин лауреат» гьуьрметдин тIвар гана.
Ф.Нагъиева лезги эдебиятдик хьиз, лезги чIалан илимдикни чIехи пай кутунва.
«Самур» газетдин коллективди ва кIелдайбуру чи тIвар-ван авай камалэгьли Фейзудин Нагьиеваз агалкьунар тIалабзава. Чун ада Дагъустандин Гьукуматдин премия къачудайдан, шаир вичин мураддив агакьдайдан чIалахъ я.
«САМУР» газетдин редакциядин коллектив
Скачать PDF
Комментарии к статье
Будьте первым кто оставит комментарий к статье.Оставить комментарий