ЦицIибни шенпIи
Мах  |  3(329) 2019      
     Гатун чими югъ тир. Какайрал ацукьнавай кьуьртIуь вечрез садлагьана цIивцIивдин ван атана. Са цицIибди какадин хъиреяр хана кIуф къецик акъуднавай. Идалай  гугъуьниз амай какайра авай цицIибрикни тIурутIум кткана. Абурузни мичIи чкадай акъатна чпин дидедив агатиз кIанзавай. 
     ЦицIибар вири сад хьтин хъипибур тир. Тек са цицIиб какада амай. Вечре кIуфув какадин хъире хана цицIиб анай акъудна. Вичин ахвар зуракI амукьна лугьуз хъелай цицIибдиз дидеди ХъилецI лакIаб гана. 
     Къуншидин кацизни шарагар хьанвай - вад лацу, са чIулав шенпIи. ШенпIияр чпин дидедикай галкIана, нез-хъваз, далудиз рагъ гуз кефина авай.
Йикъар алатзавай. ШенпIиярни цицIибар чIехи жезвай. ХъилецI вичин вахарихъни стхайрихъ галаз рекье физвачир.  ЧIулав шенпIидизни вичинбурухъ галаз кьарай къвезвачир.
     ГьикI ятIани и кьвед – ХъилецI лакIаб алай цицIибни чIулав шенпIи дустIар хьана. Экуьнлай няналди санал къугъвадай абур. ШенпIидиз цицIиб, цицIибдиз шенпIи авай чкада садни акваз кIандачир. Диде вечре Хъи­лецIаз лугьудай: 
     - Къе-пака вакай кIек, шенпIидикайни кац жеда. Кацинни кIекрен дуст­вили кьадайди туш. Яргъал хьухь адавай!
     -  Чун халисан  дустIар я, -  жаваб гудай ХъилецIа. 
     - Вуна жуванбурухъ галаз мез жагъура. КIеве гьатайла ви далу гьабур  я. Кацихъ галаз ви дуствал яргъал фидач, - лугьуз ахмурардай дидеди адаз. 
     Ингье  ада вичин дустунин пад кьадай. Гьа икI, дустар чIехи хьана. Сад­ра кIекни кац санал тарцин хъендик квай. Садлагьана усунин кIаникай са кьиф физ акуна абуруз. Кациз хкадарна ам кьаз кIан хьайила кIекре адалай фад лув гана. Ада ахьтин руг акъудна хьи, кьифревай  са гужуналди вичин тIеквендиз гьахьиз хъхьана. Кацихъ гзаф  хъел  акатна:
     - За кьиферихъ калтугдайла зи вилик акъатиз тахьуй, тахьайтIа за вун жуван тапасрив кьве падда, - лагьана ада. 
     Пагь атIай кIекре жузуна:
     - ГьикI? Са кьифрез килигна вуна жуван дуст кьве паддани?
     - Дустуниз вичин чка чир хьун герек я! – жаваб гана каци.
     - Вуна заз, КIекрез вичин чка къалурзавани? – цIугъна кIекре.
     Акъатна ина са къал. Къетненан дустIари ивияр экъична. Кац тапасрив, кIек кIуфув чеб гьахълу тирди субутиз алахъна. КIекре садлагьана кацин пелез акI кIуф ягъана хьи, анай иви авахьна. Идакай хъел акатай каци вичин тапасар кIекрен гарданда акIурна. КIек­рен уь-уьдинни кацин мявдин ванер са-садахъ какахьайла абурун  хизанриз хабар хьана. Са гужуналди чара авуна абуру и кьвед. 
     Им тахьана ХъилецI икьван экIяй хьайиди тушир. Дуствилин эхир икI жедайди низ чидай? Диде гьахълу тир кьван. КIеве гьатайла са куьнизни килиг тавуна куьмекдиз къвезвайди жуван хизан я.
 
АЗИЗРИН Севда

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Исмаиллы райондин Къалажух хуьр Azərbaycan Respublikasının Prezidenti cənab İlham Əliyevə Чи алфавитдиз кьецI гумир! Зурба вакъиа ЧIехи амадаг
Статьи из этой рубрики
Хъсанвилиз писвал Жив такур гъед Гатфар ЦIийи рагъ Хъсан дуст
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ