Чи рикI алай газет
"Самур" - 20  |  4(251) 2012      

Алай йис чи рикI алай “Самур” газетдин 20-йисан юбилейдин йис я. Гьавиляй куьн вири тебрикзава, газетдин редколлегиядиз хайи халкьдиз къуллугъунин рекье мадин чIехи агалкьунар тIалабзава!
Заз куьн са яхцIур йис виликан чIаварал хкиз кIанзава. 1972-йисуз вири советрин халкьар СССР тешкил хьунин 50-йисан юбилейдиз гьазур жезвай. Чун, Баку шегьерда кIелзавай лезги студентар, заводра, фабрикра кIвалахзавай лезги жегьилар лагьайтIа, чи халкьдин кIвачерик кутунвай милли ихтиярар чкадал хкун патал Москвадиз чарар кхьиз, телеграммаяр ракъуриз алахънавай. И карда чаз чIехи рикIин иеси, бинедай викIегь кас тир, рагьметлу Иззет Шерифова куьмек гузвай.
Чаз гьукуматдин кьилевай ксаривай вуч кIанзавай? Дидедин чIалал республикадин газет, хайи чIалал радиодинни телевидениедин гунугар, Лезги Кхьирагрин КIватIал…
Къелем гъиле кьунвай жегьилар литературадин  кIватIал тешкилна, вацра садра кIватI хьун патал чкадихъ къекъвез эгечIнай, амма икьван чIехи шегьерда чаз гун патал чка жагъаначир. ГьакI хьайила чун М.Ф. Ахундован тIварунихъ галай АПИ-дин общежитиеда кIватI жез, туькIуьрунар кIелиз, хъсанбур “Къулан вацI” тIвар алай цлан газетдиз акъудиз жедай.
Чна Республикадин Халкьдин Яратмишунрин КIвалин патав лезги манийринни кьуьлерин ансамбль арадал гъанай. 1972-йисан 23-декабрдиз Медработ-никрин ДК-да вижевай концерт ганай…
За къе вучиз яхцIур йис виликан тарихар ахъайзава? Вучиз лагьайтIа, чи къенин “Самур” газетдин, “Сувар” ансамблдин, гьар йисуз чи кхьирагри Бакуда акъудзавай ктабрин бине гьа 70-йисара эцигнавайди я. Зун гзаф шад я хьи, къе “Самур” газетдин кьиле гьа чIаварин студентар хьайи Седакъет ханумни Муьзеффер стха акъвазнава. Къе “Cамур“ газетдин ва “Сувар“ ансамблдин суракьар дуьньядиз чкIанва.
                       
Хьанва къад йис вун дуьнядал атана,
“Самур” газет, аферин ваз, баркалла!
Чан хкизва дидед чIалал датIана,
Лезги рикIик руьгь кутазва, машалла!

 Къе лезгийрин сувар я, лагь дустариз,
Хвешивиляй абрун рикIер шад хьурай!
 Къе “Самурдин” сувар я, лагь эллериз,
Ял дакIанбур пехилвиляй пад хьурай!

Вакъиф Муьшкуьрви

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Сувариз элкъвей мярекат Коллективу редакции «Самур» “Сувар” приглашает Avar şairi ilə görüş Дуьньядиз сейли хьиливияр
Статьи из этой рубрики
«Самур» чи ивидин дамар я Агалкьунрин 20 йис «Самур» гьар хизандиз! Сувариз элкъвей мярекат “Самур” газетдин 20 йис тамам хьана!
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ