Чешне къачу! | 8(324) 2018
Дагъустандин Дербент райондин Белидж посёлокдин 4-нумрадин мектебдин 6-синифда кIелзавай Илмар Рамазанова алай йисан 16-сентябрдиз чIехи гьунар къалурна. Республикадин тади куьмекдин органри хабар гайивал, алай йисан 16-сентябрдиз ачух гьавадал къекъведайла Илмараз йигиндиз авахьзавай цин къаналдиз аватнавай аял акуна. Кьве йисан бицIек акваз-акваз цин кIаник ягъазвай.
ВикIегь гадади фикир тавуна гьасятда аялдиз куьмек гун паталди къаналдиз хкадарна. Ван алаз физвай ци аял муькъуьн кIаник тухузвай. Илмара кичIе тахьана ам галайнихъ сирнавна ва бицIек са легьзеда хилас авуна.
Талукь идарадин кIвалахдарри лугьузвайвал, жуьрэтлу гадади халисан гьунар къалурна. Аялдин хайибуру ва мукьва-кьилийри Илмараз разивал къалурна.
20-сентябрдиз Дербент райондин администрацияда Илмар Рамазановахъ галаз гуьрьуш кьиле фена. Райондин кьил Фуад Шихиева ва талукь идарайрин чIехибуру иштирак авур и мярекатдал гъвечIи къагьримандиз Дербент райондин, МЧС-дин ва Дербентдин жегьилрин советдин гьуьрметдин грамота ва пишкеш яз планшет
вугана.
«САМУР»
Скачать PDF
Комментарии к статье
Будьте первым кто оставит комментарий к статье.Оставить комментарий