Тамуз фин - Пойдем в лес
Ша, лезги чIалал рахан!  |  7(323) 2018      

     – Буба, гьикьван чIав я чун санал тамуз тефиз. ГъвечIи чIавуз вуна чун фад-фад тухудайди тир. Ша къе фин, ман.

     – Дедушка, мы так давно не ходили вместе в лес. В детстве ты нас часто водил. Давай-ка пойдем сегодня.

 

     – Ваъ. Заз физ кIандач.

     – Нет. Не хочу.

 

     – Вучиз?

     – Почему?

 

     – Ана зи рикI тIар жезва.

     – Там у меня сердце начинает болеть.

 

     – «Зун тамай жегъил хьана хквезва» лугьузвайди вун туширни?

     – Разве не ты говорил: «Я возвращаюсь из леса помолодевшим»?

 

     – Къадирсуз инсанри там кукI­варзава.

     – Неблагодарные люди издеваются над лесами.

 

     – Ваз абуру тарар атIузва лугьуз хъел авани?

     – Тебя злит то, что они рубят деревья?

 

     – Чан хтул, вун яргъарай хтанва, фадлай чи тамар акунвач ваз. Инсанри абур гьи гьалда тунватIа акуртIа ви рикIни ишеда. Ваз гъвечIи чIавуз акур тамар амайди туш.

     – Эх, внучок, ты приехал издалека, давно лесов наших не видел. Увидишь, во что люди их превратили, у самого сердце кровью обольется. Нет теперь уже тех лесов, что ты видел в детстве.

 

     – Гьакьван пис гьалда авани абур?

     – Неужто все так плохо?

 

     – Кьиляй-кьилиз зибилди кьунва тамар. Инсанри чпин кIвалерин зир-зибиларни гьаниз гадарзава.

     – Леса полностью завалены мусором. Люди выбрасывают туда даже свой домашний мусор.

 

     – Гьахьтин кар жедани? Абурун вягьтедай къведай сад авачни?

     – Как же так? Неужели никто не может с ними справиться?

 

     – РикI кузмач инсанрин тIебиатдихъ. КIвалин къен михьи хьурай, амай чкаяр барбатI хьайитIани къайгъу туш лугьузва.

     – Люди перестали болеть душой за природу. Им лишь бы внутри дома было чисто, а все остальное хоть пропадом пропади. 

 

     – Зибилар кIватIайтIа жечни?

     – Разве нельзя собрать мусор?

 

     – Там чIехи, зибилар гзаф я.

     – Лес большой, мусора много.

 

     – Хьурай тIун! ВацIуд рикI ку­дай инсан жагъидачни чаз? За исят­да жуван дустариз хабар гуда.

     – Ну и что?! Думаешь не наберется пять-десять небезразличных людей? Сейчас я сообщу своим друзьям.

 

     – Рази жеда жал?

     – Думаешь, согласятся?

 

     – Вучиз жедач кьван? Там чи вириданди тушни? Вунни ша чахъ галаз. Чна кIвалахда, вунани чахъ руьгь кутуры.

     – Почему нет? Разве лес не наш общий? И ты с нами пойди. Мы будем работать, а ты нас подбадривать.

 

     – Чан хтул, вуна заз гзаф хвеши авуна.

     – Внучек, дорогой, как же ты меня порадовал.

ТуькIуьрайди:
АЗИЗРИН Севда

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Илимдин кукIушрихъ ялзава Руьгьдин муькъвер Кьадардал гьалтайла тIимилбур Bir ulduz parlayır
Статьи из этой рубрики
Къайда бегьемди туш Бадедин савкьват - Подарок бабушки Фикирди тухвана - Задумался Кьве стха машинда аваз физва – Двое братьев едут в машине Сихилдин тар - Фамильное древо
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ