Мурадрихъ ялзава
Юбилей  |  6(322) 2018      
     Девирдивайни вахтунивай вич дегишариз хьанвачир, жегьилвилиз хас кьетIенвални рикIин михьивал хвенвай инсанар авачиз туш. ДатIана ктабар кIелзавай, абурун къагьриманрин къенепатан алемдихъ гелкъвезвай ихьтин ксарал дуьшуьш хьайила руьгь акатда вахъ. Пулдихъ, малдихъ ваъ, мурадрихъ ялзавай ихьтин инсанар я дуьнья марагълу ийизвайди, лагьана фикирда вуна.
     За  вичикай ихтилатзавай касни гьабурукай сад я. «Самур» газетдин виридалайни хъсан кIелдайди, яргъал йисара датIана адак къуьн кутазвай КцIар райондин Самур поселокдин азарханадин кьилин духтур Нариман Османов.
     Кьиляй-кьилиз къенивилин чешне тир и инсандиз таб ва къалпвал гзаф такIанда. Вич гьахъ кIани, кIвалахал рикI алай инсан тир адан уьмуьр гзафбуруз чешне я.
     21 йис инлай вилик КцIар райондин ТIигьиржал хуьре хьайила заз хуьрьунвийри институт цIийиз акьалтIарна инин азарханадиз ракъурнавай жегьил духтур гьикьван рикI алаз кIвалахзаватIа жуван вилералди акунай. Йиф-югъ талана инсанрин сагъламвал хвейи ам и кIанивили 3 йисан чкадал 5 йисуз ина тунай. Ам цIийи кIвалахдин чкадиз рекье тваз вири хуьр атанай. Вилерал нагъв алачир садни авачир.
     КIцIар райондин КIуфоба хуьре дидедиз хьайи Наримана ина 8-синиф, гуьгъуьнлай Ширвановкадин юкьван мектеб тафаватлувилелди акьалтIарнай. Бакудин 2-нумрадин медтехникум яру дипломдалди куьтягьна аскервилиз фенай. Кьве йисуз Ширвановкада ва Магьачкъалада фельдшервиле кIвалахна Дагъустандин Гьукуматдин Медицинадин Институтдик экечIай ада яру дипломдалди анаг акьалтIарнай. Кьве йисуз Хачмаза, гуьгъуьнлай КцIар райондин ТIигьиржал хуьре кIвалахнай. Вичин пешедал гзаф рикI алай ам Самур поселокдин азарханадиз регьбервал гузвай 21 йисан къене инин патав гвай хуьрерин агьалийринни рикI алай касдиз элкъвенва. Вишералди инсанди Нариман гьахълу яз чпин хизандин духтур яз гьисабзава. Гьавиляй са шумуд йис инлай вилик Нариман Османов «Азербайжан Республикадин лайихлу духтур» гьуьрметдин тIварцIиз лайихлу хьайила вирида сад хьиз, «и тIвар адаз дидедин нек хьиз гьалал я» лагьанай.
     Вичин къени къилихрикай адан веледризни пай ганва. Бубади хьиз савадлувилихъ, зегьметдихъ ялзавай Перване, Мурад, Аида хъсан пешекарар я. КIуьд хтул ава адахъ. 3 лагьай велед дуьньядиз атайла Мурада «адакай зи буба хьтин кьегьал хва хьурай» лагьана вичин хцел Нариманан тIвар эцигна. Идалай хъсан алхиш женни?
     Нариман Османован 60 яш хьанва лагьайла чун чIалахъ хьанач. Чина рагъ хъуьрезвай  гегьенш дуьньякьатIунрин, кьакьан руьгьдин инсан тир адаз и яш гуз жедач. Чна «Самур» газетдин чIехи дуст рикIин сидкьидай тебрикзава. Адаз шаддаказ, сагъдаказ хайибурун кьула яргъи уьмуьр гьалун тIалабзава.
 
С.КЕРИМОВА
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Сулейманан чIехи тIвар По следам предков Камарван Халкьдин дамах тир шаир
Статьи из этой рубрики
С 20-летием, “Оки”! Низами Генжевидин йис Шарвилиди эверда Ləzgi musiqisi və poeziyası gecəsi Алибег Фетягьов рикIел хкана
ЦIИЙИ ТИЛИТ
№: 7(352)
октябрь, 2021

Скачать PDF

РУБРИКИ
Шаирар
"Самур" - 30
Люди и судьбы
Yubiley
Чи къагьриманар
Tarixin izi ilə
Gəncliyimiz – qürurumuz
Müsahibə
Dünya ləzgiləri
Яран сувар
Diqqət: İnsan taleyi!
İnam və iman
Спасём планету
Qarabağ müharibəsi
Редакциядин дустар
Редактордин гаф
Дагъустан
Диктант
Чи кьегьалар
Чи классикар
"Самур" - 20
Мах
И чил хайи диге я
Жеч гьа!..
Dağıstan xalqları
ЦIийи ктабар
Milli Məclisə məktub
Языки мира
Марагълу инсанар
Redaksiyaya məktub
Лезги чIалан месэлаяр
Известные лезгины
Новости Россотрудничества
Добрые вести
Квез чидани?
Юбилей
Лезгияр вирина
SOS!!!
Известные лезгиноведы
С верой в душе
"Самурдин мектеб"
Мораль
Чи адетар
Məşhur ləzgilər
Чи хуьрер
Новости на все голоса
Известные кавказоведы
Хъсан хабарар
Чи адетар
Yeniliklər
Алимрин веревирдер
Чакай кхьенай ...
Чешне къачу!
Çıxışlarımızın əks-sədası
Ша, лезги чIалал рахан!
Эпитафия
Барка
Хабарар
Харусенят
Поэзия
Этнография
Тарихдин геле аваз
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Дайджест
Чи сейлибур
Чи тавдин кIвал

ПОЛЕЗНОЕ