«Cуварин» мад са агалкьун
Харусенят  |  4(320) 2018      
     Алай йисан 7-майдиз Бакудин Гь.Алиеван Имаратда кьиле фейи «Сувар» Лезги Манийринни Кьуьлерин Ансамблдин концерт руьгь кутадайди, гьиссерал звал гъидайди хьана. Азер­байжандин Демократик Гьукуматдин 100, милли лидер Гьейдар Алиеван 95-йисан юбилейриз талукьарнавай мярекат кьиляй-кьилди ацIанвай зурба залда кьиле фена.
     Сегьнедиз экъечIай Азербайжандин Ме­де­­ниятдин Ми­нис­тер­стводин векил Фикрет Бабаева ва «Самур» Лез­ги Милли Меркездин кьил Имран Рзаева залда ацукьнавайбуруз суварар мубаракна.
     Сад-садалай иер милли пекер алаз сегь­недиз экъечIай же­гьил­ри кьуьлерал рикI алай­буруз гзаф хуш легьзеяр бахшна. Маничийрикай Жа­­вагьир Абдуловади, Ре­шад Ибрагьимова, Роза Гьа­­жимурадовади, Элвина Гьей­­даровади лагьай манияр ви­ридан рикIяй хьана.
     Ансамблдик цIийиз эке­чIнавай аялрин агал­кьун­ри ил­лаки рикI ахъай­завай. Абуруз ви­рида гур­лу капар ягъизвай.
     Кьве сятдилай гзаф вах­­тунда кьиле фейи кон­цертди инсанриз марагълу, шад, рикIел аламукьдай легьзеяр бахшна.
     70-далай гзаф же­гьилри, аялри кьи­лиз акъудай кон­церт­дин программа теш­кил­лувилелди, цIийи­вилералди тафаватлуди хьана.
     Завир Нежефова ансамблдиз регь­бервал гуз эгечIай кьве йисан къене сад лагьай гъилера чIехи сегьнедиз экъечIна чпин алакьунар къалурай коллектив и концертдиз вижеваз гьазур хьанвай. Эхирдай сегьнедиз экъечIай З.Нежефов залди  гурлу капаралди кьабулна. Ада и программадин винел гзаф зегьмет чIугур хореограф - Дагъустан Республикадин лайихлу артист Назир Идрисоваз, гьакIни ансамблдин виликан хореографар Зейнал Жигерхановаз, Гуьлнара Байрамовадиз, Сенан Гьуьсейнлидиз сегьнедиз эверна. Эхирдай ада ансамбль туькIуьрна 20 йисуз адаз регьбервал гайи Седакъет Керимовадиз гаф гана. С.Керимовади жегьил худрукдин агалкьунриз чIехи къимет гана, «Сувар» ансамбль лезги халкьдин милли эменни я, адаз куьмек гун виридан буржи я лагьана. 
     Концерт «Сувар» ансамблдин гимндалди кьилиз акъатна.
 
«САМУР»
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
КцIар райондин Мучугъ хуьр Ləzgi çörəyi Чи аямдин СтIал Сулейман Мучугъ Bakıya köməyə gələn ləzgilər
Статьи из этой рубрики
«Сувар» ансамблдин 20 йис! Кусарский театр порадовал дагестанцев "Сувар" приглашает Бакуда лезги караоке «Сувар» вновь поразил зрителей
ЦIИЙИ ТИЛИТ

РУБРИКИ

ПОЛЕЗНОЕ