Гьар гафунин къадир жен
Редакциядиз чар  |  3(319) 2018      
     Играми редакция! Куьне 2018-йис лезги чIалан йис хьиз малумарайла заз гзаф хвеши хьана. Жув муаллим ва хайи чIалан таъсиб чIугвазвай инсан яз завай и кардик гьикI къуьн кутаз жеда лагьана фагьумна за. Гьавиляй кIвенкIве квез и чар кхьин къарардиз къачуна. Авайвал лагьайтIа, и йикъара Магьачкъалада кьиле фейи «Лезги чIал хуьн ва вилик тухун» тIвар ганвай форумдини чахъ са кьадар руьгь кутуна. Вуч хъсан я хьи, чи вилик-кьилик галай ксари хайи чIал хуьникай дериндай фагьумзава. ЧIал хуьн ва вилик тухун патал ихьтин мярекатар генани фад-фад кьиле тухвана кIанзава. 
     ЧIал бубайрилай амай виридалайни багьа аманат я. Гьавиляй чаз адан гьар гафунин къадир жен герек. Гафар лугьуз тежедай кьван чIехи девлет я. ЧIал вилик тухун ва адан къенивал хуьн патал и девлетдикай дуьздаказ менфят къачуна кIанзава. За гьеле институтда кIелдай йисара са лезги чIалан учебникдай ихьтин гафар кIелнай: «Лезги чIал иер, инсанрин жуьреба-жуьре гьиссер, яшайиш вири патарихъай къалуриз жедай алакьун авай чIал я… Ам чи халкьдин тарих, дамах, намус я. Ам хуьн, вилик тухун чи пак тир буржи я». 
     Гьикьван хъсандиз лагьанва. Бес чна чи пак тир буржи вучиз кьилиз акъуд­завач? Гьа инал зи рикIел са вах­тунда педагогикадин илимрин кан­дидат Ш.Мирзоева кхьей га­фар хквезва. Ада кхьенай хьи, гилан аял­ринни жегьилрин чIехи паюниз са кьа­дар лезги гафарин мана эсиллагь чиз­вач. Нетижа гьихьтинди ятIа виридаз аквазва. Хайи чIал туна маса чIаларал рахазвай аялринни жегьилрин кьадар къвердавай пара жезва. И карди чи чIал хаталувилик кутазва. И хаталувилин вилик пад кьуна кIанзава. ТахьайтIа, къадим ва иер чIал чи гъиляй акъатда. Чун жуван чIал авачир къурабайриз элкъведа. 
     За фагьумзавайвал, чIал вилик тухун патал гьам цIийи гафарикай, гьамни чи чIалан куьгьне къатарин гафарикай менфят къачуна кIанзава. И рекьяй «Самур» газетди тухузвай кIвалах, ада 8-чина гузвай гафарган тарифдиз лайих я. Чна гьа са вахтунда чи классикрин яратмишунра авай гафарни рикIел хкана кIанзава. Са береда куь газетди «Эминан чIал чIур мийир!» тIвар ганвай макъала чапнай. Гзаф метлеблу ва кар алай макъала тир. 
     Къе заз жуван лезгийриз лугьуз кIанзава: «Ша чна хайи чIал чIур тийин, адан къенивал хуьн. И кар патал «Самур» газетдин рекьяй тIуз фин, адан давамчияр жен. ЧIал хуьн патал газетди тухузвай кIвалахдиз къуват гун. Ша чна виш йисарилай чаз аманат яз амай виридалайни багьа эменни - хайи чIал квадар тийин.
 
Тамилла БЕКЕРОВА,
Дагъустан Республикадин 
Дербент шегьер, муаллим
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
КцIар райондин Яргун хуьр Лезги чIалан мярекат Вечер улыбок и цветов Гуьзел муаллим Яран сувар
Статьи из этой рубрики
Хайи чIалан къадир хьуьх КТАБАР КIАНЗАВА Жуввал гьикI хуьда? Маршалдин чар Кьурагь дередин тават
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ