ЦIийи ктаб
Yeni kitablar  |  3(319) 2018      
     Са шумуд югъ инлай ви­лик Бакудин «Сэда» чап­ха­нади чи тIвар -ван авай къелемэгьли Седакъет Керимовадин «Зи манияр» тIвар ганвай нубатдин ктаб чапдай акъуд­на. Ктабди вичин шиирралди,  повесть ва ро­манралди сей­ли тир автордихъ гьакIни манияр теснифдай алакьунар авайди винел акъудзава. Ина С.Керимовади вичин гафариз теснифнавай 100-елай гзаф манийрин чIаларни нотаяр гьатнава. Ктабдин автор ва нотаяр кхьенвайди лезгийрин  сейли сеняткар, «Сувар» ансамблдин концертмейстер Заур Мусаев я. Ада ктабдин сифте гафуна кхьенва: «С. Керимовадин манияр вокалдин жанрда теснифнавайбур я. Абур халкьдин манийрилай тафаватлу я. И кьве жанр сад-садахъ галаз алакъалу тирвиляй халкьдин манийрин уьлчмейрикай ва фольклордикай менфят къачун вокалдин эсерар теснифзавайбурун яратмишунриз хас тир кьетIенвал я. Гьа и кьетIенвал я и манияр кIанарзавайди. Адан гьар манида халкьдин руьгь ава.    Гьавиляй абур мецера гьатнава, Азербайжандин, Дагъустандин ва маса уьлквейрин пешекар маничийри композитордин яратмишунрикай фад-фад менфят къачузва. С.Керимовадин манийриз теснифдин ва лугьунин формайрин жуьреба-жуьревал хас я. Абурухъ лирикадин ва гимндинбур, са ванцин ва гзаф ванеринбур, текдиз ва хордалди лугьудайбур, пешекар маничияр патал теснифнавайбур ава. Гафаринни гьавайрин сад-садахъ галаз кьуни и манийрин метлеб­лувал генани артухарзава. Манийрин чIалар лагьайтIа, иердиз туькIуьрнавайбур, рикIел хъсандиз аламукьдайбур я. Абур гьар са цIарцIи, гьар са гафуни чпихъ ялзавай, маналу, аваздалди регьятдиз лугьуз жедай чIалар я. Гьа и карди инсанар и манийрихъ ялзава, абурун суьгьуьрда твазва». 
     ЦIийи ктаб лезги манидал рикI алай вирибурун рикIяй жеда. Адакай пешекарривай, гьакIни кIелдайбурун гегьенш къатаривай менфят къачуз жеда.
 
«САМУР»

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
КцIар райондин Яргун хуьр Лезги чIалан мярекат Вечер улыбок и цветов Гуьзел муаллим Яран сувар
Статьи из этой рубрики
“Gülüstan” – 180
ЦIИЙИ ТИЛИТ
№: 8(324)
сентябрь, 2018

Скачать PDF

РУБРИКИ

ПОЛЕЗНОЕ