Лезги чIалан мярекат
Лезги чIалан месэлаяр  |  3(319) 2018      
     Алай йисан Лезги чIалан юкъуз – 20-мартдиз Магьачкъалада Дагъустандин Гьукуматдин Пе­­дагогикадин Университетдин да­раматда «Лезги чIал хуьн ва вилик тухун» тIвар ганвай форум кьиле фена. И чIалан мярекатда муаллимри, чIалан пешекарри, кхьирагри, шаирри, журналистри , илимдинни жегьилрин тешкилатрин векилри иштиракна.
     Мярекатдал лагьайвал, алай вах­­­тунда чи машгьур алимрикай Фей­зудин Нагъиева, Руслан Къадимова, Шайдабег Мирзоева, Мариф Къа­ди­мова, Мегьамед Ибрагьимова, Аль­бина Крымовади, Султанат Али­вердиевади ва масабуру хайи чIал хуьн ва вилик тухун патал гьа­къисагъвилелди зегьмет чIугвазва. 
     Мярекатдал Фейзудин Нагъиева къейд авурвал, алай вахтунда са бя­зи къелемэгьлийри чпин кхьинра лите­ратурный лезги чIалан къайдайриз амал ийизвач. И кардиз рехъ гана кIан­завач. Чавай гьар садавай жуван ну­гъатдал рахаз жеда. Ингье кхьидайла литературадин чIалал кхьена кIанзава.
     Мярекатдал «Интех-Софт» ком­па­нийрин группадин кьилин директор, физикадинни математикадин илимрин кандидат Мариф Къадимован рахунар ва ада теклиф авур «Халисан инсан хьухь!» проект разивилелди кьабулна.
     ЦIийи проектди форумда иш­ти­ракзавай мектебдин директорар ва лезги чIалан муаллимар чпихъ ялна. Абуру къейд авурвал, Ма­риф Къадимова тек­лиф­завай ма­териалрикай хайи чIалан тарсара гегьеншдиз менфят къачуз жеда.
     Мярекатдал рахай филологиядин факультетдин декан Руслан Къадимова ва университетдин илимдин секретарь Шайдабег Мирзоевани хайи чIал хуьн ва вилик тухун патал хъсан теклифар гана. Иштиракчийри лагьайвал, фо­румди гьам чIалан чара-чара ме­сэ­лайрикай веревирдер ийидай, гьамни кIвенкIвечи тежрибадикай менфят къа­чудай мумкинвал гана. 
“САМУР”

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
КцIар райондин Яргун хуьр Вечер улыбок и цветов Гуьзел муаллим Яран сувар Гьахьнава мад зун хиялрин деринра
Статьи из этой рубрики
Лезги чIалан гьалар гьикI я? Дидед чIалаз икрамна Дидед чIалахъ гьикI гелкъвен? ЦIийи йис дидед чIалан йис хьурай! Для сохранения языка
ЦIИЙИ ТИЛИТ

РУБРИКИ

ПОЛЕЗНОЕ