“Самур” чи мектеб я
Çıxışlarımızın əks-sədası  |  2(318) 2018      
     Играми редакция! Шумуд йи­сар я куьне лезги чIал хуьн ва вилик тухун патал женг чIугваз. Гьавиляй халкьди “Самур” газетдиз «чIалан женгчи» лагьанва. И рекье куьне чIугвазвай кьван зегьметар виридаз хъсандиз чизва. ЧIалахъ авсиятда кардик кутунвай «ЧIал вилик тухун, чIур тийин», «ЧIалан михьивал хуьн», «Чи чIал, чи тIал», «ЧидачтIа-чира», «Диде гьарай, дидед чIал гьарай!» хьтин рубрикайрик кваз гузвай макъалаяр гзаф мас авайбур я. За фикирзавайвал, хайи чIал хуьн ва вилик тухун патал куьне тухузвай женг лугьуз тежедай кьван зурбади я. Чна вирида и женгиник кьил кутуна кIанзава.
     «Самурди» 2018-йис дидед чIалан йис хьиз малумарнава. Авайвал лагьайтIа, и карди чахъ руьгь кутунва. ЧIал виш йисара бубайрилай чал агакьнавай багьа аманат я. Чахъ адалай чIехи девлет авач. Ам квадарайтIа, чи халкьни, чи тIварни квахьда. И кардиз рехъ тагун патал гьар са кас чIалан женгчи хьана кIанзава. Шарвилидин, Гьажи Давудан, Етим Эминан, СтIал Сулейманан чIал дуьньядин виридалайни къадим ва везинлу чIаларикай сад тирди рикIел хвена адан къайгъу чIугун чи буржи я.
     Зи рикIел хъсандиз алама. ЦIийи «Самурди» чIал хуьнин женгиник къад йис инлай вилик кьил кутунай. Гуьгъуьнлай газетдин чинриз акъатай «Профессордиз жаваб», «Катра маканда кард жеда», «ЧIал вилик тухун, чIур тийин!», «Гафар чIалан девлет я» хьтин макъалайри вирина ван кутунай. Куьне датIана «ЧIал», «ЧIалан михьивал хьун», хьтин рубрикаяр давамарна. Куьне кIелдайбуруз лезги чIал дуьньядин къадим чIаларикай тирди гъавурда туна, ам кIанарна.
     «Самур» газетди сифте яз вишералди лезги топонимриз илимдин рекьелди баянар гана. Гьам лезги чIалан, гьамни лезги чIалан группадик акатзавай чIаларин са бязи месэлаяр чараз ваъ, гекъигунин рекьелди, санал ахтармишна. ЧIал «Самурдин» кьилин тема хьана ва адалай чи чIалан къенивал хуьз, вилик тухуз алакьна.
     Заз кьве месэладикай кьилди лугьуз кIанзава. Сад лагьайди, за жуван вири ватанэгьлийриз чIал хуьнин женгиник экечIун патал эвер гузва. Низ дидед чIал гьикI чизватIа чир хьун патал гъиле къелем кьуна редакциядиз чкайрай кьиле физвай вакъиайрикай кхьейтIа, хабарар, манияр, бубайрин мисалар кIватIна ракъурайтIа хъсан я.
     Кьвед лагьайди, газетда гузвай «Самурдин мектеб» чин рикIе аваз за теклифзава: «Самур» газетдикай вири халкьдин лезги мектеб ийин. Заз чиз, ам фадлай ихьтин мектебдиз элкъвенва. И мектебда чирвилер къачун патал тек са шартI ава: газет кхьин. Чна гьар сада жуванбур и кардив агудна кIанзава. «Самур» газет къачузвачир лезги хизан гьихьтинди хьурай? Завай хьайитIа, «Самур» гьар са хизандиз» кампаниядик кьил кутадай вахтар алукьнава. Гьа ихьтин фикиррик кваз за редакциядиз «Дамахзава чна валди» тIвар ганвай са шиир ракъурзава. Мумкин ятIа, чап авун тIалабзава.
 
     Дамахзава чна валди
 
     Алай йис чи чIалан йис хьиз
     Сейли хьурай, лагьай «Самур».
     Алахъзавай хайи чIал хуьз,
     Рази я чун валай «Самур».
 
     Ви гьар са цIар, чаз аквазвай,
     Деринди я, авай метлеб.
     Гьар гаф патал женг чIугвазвай
     «Самур» газет – лезги мектеб.
 
     Ви ниятар экуь, михьи,
     Халкьдихъ ялун галаз жеда.
     Вун гъиле кьур гьар са лезги,
     Ватандал рикI алаз жеда.
 
     На дидед хьиз чаз хайи чил,
     Жув акъатай эл кIанарда.
     Дегь чIаварин адетрин кьил –
     Дем кIанарда, мел кIанарда.
 
     Рахана чав лезгидалди,
     Чирда вуна чаз кар, эдеб.
     Дамахзава чна валди,
     Эй зи халкьдин лезги мектеб!
 
Заиддин АГЪАБЕГОВ,
зегьметдин ветеран,
КцIар шегьер
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Дидед чIалаз икрамна Редакторди кьиле тухвана “Лезгинкадал” илига Кавказ - рай для лингвистов
Статьи из этой рубрики
Təəssüf edirəm Poeziya təxribatçıları ifşa olunmalıdır Tərcümə, yoxsa təxribat? Tənqidbazlıq, yoxsa gözügötürməzlik? Ван авуна
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ