Ван авуна
Лезги чIалан месэлаяр  |  1(317) 2018      

     Куьн пара сагърай «Самур» газетдин кIвалахдарар! ЧIал хуьнин рекьяй куьн викIегь ксар я. Куь рикIер датIана чи чIалахъ кузва. Квез баркалла!  Зунни куь женгиник экечIда чIал хуьн патал. Куьне садрани и кар рикIелай ракъурзавач. Зун квехъ галаз рази я, им виридалайни вилик гьялна кIанзавай месэла я. ЧIал амачирла халкьни квахьда гьадахъ галаз. Вири чи халкь­ди и месэладиз кьетIен фикир гана кIанда геж тахьанамаз. 

 

Фаида ГЪАНИЕВА, 

филологиядин илимрин доктор, Дагъустан Республикадин 

Магьачкъала шегьер

 

     Гзаф хъсан эверун я! Куь ихтиярдалди, зунни, за регьбервал гузвай «Булах» поэзиядин кIватIални куь жергеда жеда. ЧIал хуьдай, чIалахъ рикI кудай инсанар вилик экъечIайла, амайбурузни аквада - къуй гьабурун рикIерикни куь гафари чим, къуват  кутурай. Дидедин чIал чна некIедихъ галаз кужумнавай багьа, кьетIен пай я. ЧIалаз сергьятар чидач. ЧIал я па­йиз, яни рекьиз садавайни жедач, эгер чаз - са чIалал рахазвайбуруз - чи чIал амукьна кIан хьайитIа, багьа савкьват хьиз ам хвейитIа. Гьар лезгиди и рекье вичивай жедай са гъвечIи кар кьванни  авуртIа, а кар дагъдиз элкъведа. ЧIалан женгина авайбуруз къуват гурай!

«Булах» кIватIалдини «2018 йис - дидед чIалан йис!» - лугьузва квехъ галаз.

 

Гуьзеля ГЬАСАНОВА, 

шаир, Ленинград вилаятдин Гатчина шегьер 

 

     Хъсан фикир - эверун я. Иншаллагь, хайи чIалал яратмишзавайбуру, дидед чIалахъ рикI кузвайбуру, мидаим чIал хьиз амукьна кIанзавайбуру, икрамзавайбуру и кардихъ  къуьн кутада.

 

Фикрет ХИДИРОВ, 

шаир, КцIар райондин 

Кириг хуьр

 

     Дидедин чIал, адаз неинки са 2018 йис, ам гьакIни гьар са йисан гьар са югъ бахш авуниз лайихлу я.

     ЧIал диде я, чIал я Ватан,

     Ванни я ам хайи чилин.

     Къиямат къуз чIал я дарман,

     Гуьгьуьл къачур кайи рикIин.

 

Гъулангерек ИБРАГЬИМОВА,

шаир, муаллим, 

Дагъустан Рес­публикадин 

Белидж посёлок

 

     Пара хъсан фикир я. РикIиз регьят хьана лап. Заз чиз, цIудралди же­гьилри и кардикай нетижа хкудда. Ха­йи чIалав хайиди хьиз агатда абур. И карда къуьруь хьана виже къведач. ГьакIни «Самур» газетдин кIвалахдарривай куьмек кIанда - дидед чIалал кIел-кхьин чирдай.

 

Зекера ЗАХАРОВ, 

Баку

 

     Чи тIвар-ван авай къелемэгьлийри къарагъарнавай месэлаяр, ийиз­вай меслятар акурла гьикьван хвеши жеда рикIиз! Жуван пайни кутаз кIан жеда. 2018-йис дидед чIалан йис яз гьисабин! Идалай хъсан вуч жеда?

     Диде хьиз чIални   кIан жен!

     Адаз хьиз гьуьрметни ийин!

     Чи чIал датIана авадан ийин!

     И кардик ша чна вирида къуьн кутан!

     «Самурдин» ятар гужлу ийиз, чи къуватар эцигиз гьазур я чун.

 

Гуьльжагьан МИСРИХАНОВА,

Гьолландиядин Уьтрехт шегьер

 

     2018- йис - лезги чIалан йис!  ХупI хъсан фикир тушни! Агалкьунар хьурай чаз - лезги чIалал кIелдай мумкинвал авай чи ватанэгьлийриз! Агалкьунар хьурай квез - чаз и мумкинвал гузвай къелемэгьлийриз!

 

Айнаханум РАФИЕВА, 

КцIар райондин Хьилерин хуьруьн юкьван мектебдин муаллим 

 

     Чаз чун пара кIан хьайитIа,  чавай гзаф крар кьилиз акъудиз жеда. КIанивал лагьайтIа, дидед чIалалай гатIунзава. РикIе дидед чIалаз кIанивал авачир инсандивай гзаф къени крар кьилиз акъудиз жедач. Баркал­ла квез и эверунай, играми «Самур» газетдин кIвалахдарар!

 

Амид ЯСАБВИ,

КцIар район

 

     Пара хъсан фикир я. Хайи чIал са йисуз  ваъ, датIана чи  рикIера, мецерал хьана кIанзавайди я. Гьайиф хьи, и кар чна рикIелай ракъурнавай.

 

Жавид АЛИСМАНОВ, 

Баку шегьер

 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Дидед чIалахъ гьикI гелкъвен? Жегьил алимдин агалкьунар Гьамзат ЦIадасади СтIал Сулейманаз бахшай эсерар O qəmli sevinc
Статьи из этой рубрики
Лезги чIалан гьалар гьикI я? Лезги чIал гьикI хуьн? ЧIехи гафарган Для сохранения языка Автор лезгинско-русского электронного словаря
ЦIИЙИ ТИЛИТ
№: 1(317)
январь, 2018

Скачать PDF

РУБРИКИ

ПОЛЕЗНОЕ