“Гьажи Давуд” ктабдикай веревирдер
ЦIийи ктабар  |  11(316) 2017      
     Эхиримжи йисара лезги эдебиятда чIехи вакъиадиз элкъвенвай ктабрикай сад тIвар-ван авай журналист, шаир, чIалан пешекар, тарихчи Муьзеффер Меликмамедован Магьачкъаладин «Лотос» чапханади урус чIалал чапдай акъудай «Гьажи Давуд» ктаб я. 
     Лезги халкьдин чIехи къагьримандикай 27 йисуз материалар кIватIай авторди и гзаф мас авай ктабда 764 тарихдин чешмедикай, XVIII-XX виш йисарин тарихчийрин малуматрикай, 840 архивдин документдикай менфят къачунва. Ада Гьажи Давудан къагьриманвилерикай кхьидайла чIехи сердердиз мукьувай куьмек гайи, икьван гагьди чаз тийижир Сулейман бег, Али Султан, Къанлу Шабан, Мулла Абдуллагь, Хуьруьг Али, бутхуьруьнви Къурбан хьтин лезги къагьриманарни винел акъуднава. Ктабда гьакIни чепиви Навруза Гьажи Давудакай кхьей поэма ва халкьди туькIуьрай 100 къагьриманвилин мани гьатнава. Ихьтин делилар фикирда кьуртIа, «Гьажи Давуд» ктаб чи сейли къагьримандиз хкажнавай зурба гуьмбет я лугьуз жеда.
     И йикъара Муьзеффер Меликмамедов Кьасумхуьрел мугьман хьана. Ам райондин кьил Нариман Адбулмуталибова шад гьалара кьабулна. Гуьгъуьнлай Кьасумхуьруьн телевиденидин студияда «Гьажи Давуд» ктабдин презентация кьиле фена. Ктабдикай веревирдер ийидай мярекатда РФ-дин Журналистрин Союздик квай, Лезги Писателрин Союздин райондин хилен кьил шаир Абидин Камилова ва и кIватIалдин секретарь, къелемэгьли Хазран Кьасумова иштиракна.
Мярекатдал М.Меликмамедова ктабдин кьетIенвилерикай рахунар авуна, ам чапдай акъудиз куьмек гунай халкьдин кьегьал хва Имам Яралиеваз разивал къалурна. Ктабдикай веревирдер авуна хуш гафар лагьай А.Камилова ва Х.Кьасумова ихьтин метлеблу ктаб акъудунай автордиз чухсагъул лагьана. СтIал Сулейманан райондин мектебриз 100 «Гьажи Давуд» ктаб ганва.
 
Лена САИДОВА,
Дагъустан Республикадин
СтIал Сулейманан район
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я ЦIийи йис дидед чIалан йис хьурай! С 20-летием, “Оки”! Лезги фольклордин няни Масдардиз мукьва гафар
Статьи из этой рубрики
ЧIехи алимдиз гуьмбет Чаз ихьтин ктабар кIанзава “Ləzgicə-azərbaycanca lüğət”in təqdimatı Aялриз хвеши жеда Большой вклад в историю
ЦIИЙИ ТИЛИТ
№: 3(319)
апрель, 2018

Скачать PDF

РУБРИКИ

ПОЛЕЗНОЕ