РикIел хуьх!
"Самурдин мектеб"  |  9(314) 2017      
     Редакциядиз чарар ракъурзавай бязи кIелдайбуру кIусарикай са кьадар малуматар гун тIалабзава. Абурун тIалабуналди чна агъадихъ кIусарикай чирвилер гузва.
     ЧIалан пай хьиз кIусарик акатзавай гафари гьерекатдинни гьакъикъатдин алакъаяр ва я рахазвайдан патай гьерекатдихъ галаз авай рафтарвал къалурда. Чпи тамамарзавай везифайриз ва къалурзавай алакъайрин тегьердиз килигна, кIусар ругуд группадиз пай жезва: суалдинбур, гьевеслувилин ва теклифдинбур,  тестикь ва я инкардайбур, къалурунинбур, гужлу ийидайбур, гекъигунинбур.
     Къалурунин кIусарикай кIелдайбуруз генани тIимил малумат ава. И группадик агъангье, ангье, атIангье, винингье, ингье гафар акатзава.
     Агъангье рахазвайдалай, яб гузвайдалай агъада авайди къалурзавай гаф я: Агъангье, никIе кIвалахзава зи хуьруьнбуру.
     Ангье рахазвайбурувай са тIимил кьван яргъал алайди къалурдай гаф я: Ангье чIарар рехи диде.
     АтIангье мукьув гвай чка, затI къалурзавай гаф я: АтIангье, рекьин чапла пата авай, дакIарриз лацу шир янавай кIвалер.
     Винингье рахазвайдалай вине авайди къалурдай гаф я: Винингье чи хуьруьнви Агъаси.
     Ингье рахазвайда вичин патав гвай инсан, затI, кIвалах къалурдай гаф я: Ингье ада, чпин магьледай экъечIна, багълар галайвал чукурна.
 
«Ава», «ама» гьикI кхьида?
 
     Лезги чIала ава, ама куьмекчи глаголар я. Вахтарин формаяр, причастияр ва мсб. арадал гъидайла абур чпелай вилик квай гафарик кикIана кхьида. Эгер гафунин ава, ама гафарилай вилик къвезвай пай ачух сесиналди акьалтIиз хьайитIа, ава, ама куьруь жеда, -ва, -ма кхьида. Месела: кIелзава, чIулавзава, кIелзама, чIулавзама; ксузва, лацузва, ксанма, лацузма ва мсб.
     Къейд. И куьмекчи глаголар (ава, ама) чпелай вилик къвезвай существительнийрихъ ва наречийрихъ галаз кикIана кхьена виже къведач. Абур икI кхьена кIанзава: кIвале ава; хуьре ама; вине ава; юкьва ама ва мсб.

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Дагълар гъарикI я Чаз ихьтин ктабар кIанзава Niyə əbədiləşdirilmir? В поисках талантов
Статьи из этой рубрики
"Самур" газетдин дустар Хайи чIалаз икрамзава Лезги аялар патал сайт Уфтан хьана Алакьунар авай аялар
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ