Niyə əbədiləşdirilmir?
SOS!!!  |  9(314) 2017      
     Gələn il erməni daşnaklarının və bolşeviklərin Quba qəzasında törətdikləri soyqırımın 100 ili tamam olacaq. 1918-ci ildə Qubada baş vermiş hadisələr ilk dəfə olaraq ötən əsrin 90-ci illərində “Samur” qəzetində geniş  işıqlandırılmışdır. Yazıçı-jurnalist Müzəffər Məlikməmmədovun “Samur” qə­ze­­tin­də dərc olun­muş “Qanlı dərə” sərlövhəli silsilə məqalələri, 1998-ci ildə “Azərbaycan” qəzetinin bir neçə sayında işıq üzü görmüş “Quba faciəsi” tarixi oçerki, nəhayət, onun 2009-cu ildə çapdan çıxmış “Qanlı dərə” kitabı və respublika mətbuatındakı digər çıxışları Azərbaycan içtimaiy­yətinə erməni daşnaklarının vaxtilə Quba qəzasında törətdikləri qırğınlar barədə ətraflı məlumat almağa imkan vermişdir.
     Məlum olduğu kimi, 1918-ci ildə erməni-bolşevik qoşunları Quba qəzasında 162 kəndi dağıtmış, bunlardan 27-sini əhalisi ilə birlikdə yandırmış, 16 min nəfərdən çox müsəlmanı qətlə yetirmişdir. Həmin dövrdə qəzanın tanınmış şəxsiy­yətlərindən sayılan Qusarın Cağar kəndinin sakini Hatəm ağa, Kuzun kəndinin sakini Möhübəli əfəndi və qubalı Əli bəy Zizikski ləzgilərdən və azərbaycanlılardan ibarət silahlı dəstələr yaradaraq düşmənə güclü müqavimət göstərmişlər. 1918-ci ilin mayın 18-də onların birləşmiş dəstələri Dağıstandan köməyə gələn ləzgilərlə birlikdə Quba qəzasının Digah kəndi ətrafında, sonradan “Qanlı dərə” adlanan yerdə Amazaspın rəhbərlik etdiyi erməni-bolşevik qoşununu darmadağın etmişlər. Həmin döyüşlərdə 5 mindən çox əsgərini itirən düşmən geri çəkilərək, qaçmağa üz qoymuşdur. Bu hadisələrlə əlaqədar dünya şöhrətli siyasətçi, ulu öndər Heydər Əliyev demişdir: “Qanlı dərə”də 1918-ci ildə qusarlılar Azərbaycan xalqına təcavüz edən erməni millətçilərinin qarşısını alıb onları darmadağın etmişlər.”
     “Qanlı dərə”də baş vermiş hadisələrin çoxdan tarixi təsdiqini tapmasına baxmayaraq, indiyə kimi Quba rayo­nunun Digah kəndi  ətrafındakı bu ərazidə bir xatirə lövhəsi belə vurulmayıb. Burada xatirə kompleksinin yaradılmasının zəruriliyi barədə dəfələrlə “Azərbaycan” və “Samur” qəzetlərində məsələ qaldırılmasına, həm ayrı-ayrı müəlliflərin, həm də Digah kəndi əha­lisinin əlaqədər təşkilatlara müntəzəm müraciətlərinə baxmayaraq, indiyə kimi bu sahədə heç bir tədbir görülməyib. Hadi­sələrin 100 illiyinin qeyd olunmasına hazırlaşdığımız bir dövrdə bu məsələnin həlli son dərəcə vacibdir.
 
“SAMUR"
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я Дагълар гъарикI я Чаз ихьтин ктабар кIанзава В поисках талантов Azərbaycan tarixçiləri ləzgilər haqqında
Статьи из этой рубрики
Əks nümunə Мад са телеканал Фадлай хьана кIанзавайди тир Буьркьуьдаз экв кIанзава Террордиз ваъ!
ЦIИЙИ ТИЛИТ
№: 9(314)
октябрь, 2017

Скачать PDF

РУБРИКИ

ПОЛЕЗНОЕ